663
Буряад Уласай Барилгын болон гэр байрын ажахы шэнэдхэлгын сайд Николай Рузавин Улаан-Үдын 45-дахи кварталда оршодог хүүгэдэй уласай клиническэ больницын дүрбэдэхи комплекс ашаглалгада тушааха талаар зүблөө үнгэргэбэ.
Больницын шэнэ байшанда Буряад Уласай Элүүрые хамгаалгын яаманай, барилгын хүтэлбэриин, Гүрэнэй барилгын болон гэрнүүдые хинаха уласай албанай, уласай хүүгэдэй уласай клиническэ больницын болон барилга хэһэн эмхинүүдэй түлөөлэгшэд сугларһан байна. Эндэ сугларагшад шэнэ байшан ашаглалгада тушааха асуудалнуудаар хэлсэбэ. Барилга хэһэн эмхинүүд хоорондоо нягта харилсажа, ажалаа ябуулха хэрэгтэй гэжэ Буряад Уласай Барилгын болон гэр байрын ажахы шэнэдхэлгын сайд Николай Рузавин даалгаба. Тиихэдэ энэ жэлэй дүүрэтэр шэнэ байшан ашаглалгада тушааха зүбшэл абаха түсэбтэйбди гэжэ сайд зүблөөндэ хэлэбэ.
2018 ондо хүүгэдэй уласай клиническэ больницын хирургическа таһагта уласай бүхы аймагуудай үхибүүдтэ эмнэлгын туһа хүргэхэ аргатай болохо. Шэнэ таһаг барилгын сэн 2,4 миллиард түхэриг болоһон байна. Буряад Уласта удха шанартай барилгын ажал һэргээжэ, дахин ябуулха хэрэгтэ, «Элүүрые хамгаалгын һалбари хүгжөөлгэ» гэһэн гүрэнэй программын хэмжээндэ федеральна һанһаа 99,3 сая түхэриг, уласай һанһаа 73,6 сая түхэриг һомологдоо.
Буряад уласай хүүгэдэй клиническэ больницада 1989 ондо барилгын ажалнууд эхилжэ, 2016 ондо дүүрэхэ түсэбтэй байгаа гэжэ һануулнабди. I-дэхи – IV-дэхи байшангуудай барилгын сэн эдэ жэлнүүдтэ 4,7 миллиард түхэригэй болоһон байна. 1989 онһоо 2010 он болотор гурбан комплекс, нэрлэбэл, стационар, поликлиникэ, лаборатори болон эдеэ хоол бэлдэхэ газар ашаглалгада тушаагдаһан байна. Мүнөө тушаагдаха байшанда нэгэ дороо 82 хүниие багтааха хируургиин зургаан блогууд болон арюудхалгын таһаг бии.
