​«Бадма лёнхобын туяа» саһата Петербургда

Невагай эрьедэ сагаан һүнинүүдэй бууха сагта жэл бүхэндэ Будаадын соёлдо зорюулагдаһан арбан хоногой үедэ заншалта болоһон «Бадма лёнхобын туяа» гэһэн ехэ тоглолто эмхидхэгдэ­дэг. Үнгэржэ байһан 2017 ондо энэ тоглолто Санкт-Петербургда наранай харагдахагүй эгээл ха­ранхы үедэ тудаа. Тиибэшье, оперын, эстрадын, арадай уран бэлигтэнэй - ёһотойл ододой - туяа гэрэлээр ошотон ялараа. Харагшад артистнуудые халуу­наар угтажа, ехэл ханамжатай­гаар хаража баясаа.

2006 онһоо эхилжэ, Петербур­гын хүн зон Буряадай, Хальмагай, Тывагай, Таиландын, Монголой, Үбэр Монголой мэдээжэ хатарай бүлгэмүүдтэй болон дуушадтай танилсаа. Буряадаймнай суута Галина Шойдагбаева, Буряадай арадай артист Бадма-Ханда Аюше­ева, хөөмэй дуунуудые эрхимээр гүйсэдхэдэг Сарымай Урчимаев, “NAMGAR” бүлгэмэй дуушан Нам­гар Лхасаранова, монгол арадай дуушан Балданцэрэн Баттувшин, бултанай дура буляаһан Чингис Раднаев болон олон дуушад тус хотын эгээл һайн концертнэ тан­химууд соо дуулаа.

Санкт-Петербургын буян үйлэдэлгын «Буряад соёлой «Ая ганга ниигэм» олониитын жаса Санкт-Петербургын Соёлой хо­рооной дэмжэлгээр энэ тоглолто «Подношение Alma Mater» гэһэн уряа доро үнгэргөө. Ехэнхи артист­нууд Н.А. Римский-Корсаковой нэрэмжэтэ Санкт-Петербургын гүрэнэй консерватори дүүргэһэн, мүнөө Гүрэнэй академическэ Ма­риинскэ театрта болон Буряадай академическэ гүрэнэй оперо бо­лон баледэй театрта, мүн ондоо­шье мэдээжэ театрай бүлгэмүүдтэ хүдэлнэ.

Буряадаймнай театрай бэрхэ баритон Александр Хандажапов, тенор Михаил Пирогов хоёр то­глолто эхилээ. Уласхоорондын шангуудай лауреат, Буряадай га­бьяата артист Ольга Жигмитова ирагуу һайхан, баян меццо-сопра­но хоолойгоороо баясуулхадаа, уян нугархай ёһотойл хатан дан­гина байһанаа харуулаа. Заншалта буряад хубсаһаараа тайзан дээрэ гарахадань, сугларагшад: «Коро­лева!» - гэжэ хүүелдэжэ байгаа.

Энэл үдэшэ Мариинскэ театрай залуу дуушад Аюна Базаргуруева, Савва Хастаев гэгшэд бэлиг тала­ангаа гэршэлээ.

Эдэ хоёр буурал эхэ Буря­ад орондомнай ирагуу дуушад түрэжэл, урган гаражал бай­на, дэлхэйдэ мэдээжэ энэ дээ­дэ һургуулида талаан бэлигээ мүлижэ, эрхимүүдэй эрхим ар­тистнууд болонобди гэжэ үшөө дахин гэршэлбэ.

Хоёрдохи хахадтаа бултанда мэдээжэ буряад дуунуудаа бэлэ­глээ. Бүхы сугларагшад тэдэниие дэмжэн дуулалсаа.

Морин хуурай аялга доро консерваториин оюутан Бат­тулга Ванчиндоржо хөөмэйн дуунуудые уранаар гүйсэдхөө. Санкт-Петербургын гүрэнэй соё­лой дээдэ һургуулиин оюутан Уу­ганы Эрдэнэ монгол арадай хатар согтой залитайгаар гүйсэдхөө.

«Буряад соёлой «Ая ганга” ни­игэмэй 2005 ондо байгуулһан «Ая ганга» ехэ һайн байгаа гэжэ тэм­дэглэе. Эдэ жэлнүүдтэ хэдэн үе һэлгэлдээ. Тиигэжэ жэл бүхэндэ табатайхан хүүгэдһээ эхилээд, шэнэ халаан ерэжэ, шэнэ амисхал оруулна. Иигэжэл үеһөө үе дамжан, “Alma-Mater” хүгжэмэй һургуули үшөөл бэлигтэй бэрхэ оюутадые һурган гаргажа байхань лабтай.

Ирина СЕЛИВАНОВА,

Санкт-Петербургын болон Ленинградай можын Сэтгүүлшэдэй холбооной гэшүүн

Санкт-Петербург