685
2017 ондо Буряад Уласай хүүгэдэй сэсэрлигүүдые заһабарилгада Ородой Холбоото Уласай Юрэнхылэшын жасаһаа 115,2 сая түхэриг һомологдоо.
Һомологдоһон мүнгөөр Буряад Уласай ниислэл хото Улаан-Үдын болон аймагуудай сэсэрлигүүдтэ заһабарилгын ажалнууд хэгдэхэ. Улаан-Үдын 57 дугаар «Белочка» гэһэн хүүгэдэй сэсэрлигтэ заһабарилга хэжэ, байшан болбосон түхэлтэй болгохо талаар 50,7 сая түхэриг мүнгэн, хэрэгсэлнүүдые болон гэр доторхи эд бараа абалгада 6,8 ая түхэриг һомологдобо. Улаан-Үдын 90 дүгээр «Снежинка» сэсэрлигтэ заһабарилгын ажалда 35,7 сая түхэриг гаргашалагдаха.
Сэлэнгэ аймагай Гусиноозёрск хотын 9 дүгээр «Аленький цветочек» сэсэрлигтэ заһабарилгын ажалнуудта Ородой Холбоото Уласай Юрэнхылэгшын нөөсын жасаһаа 15,6 сая түхэриг һомологдобо. Загарай аймагай Ташалан һууринай «Полянка» гэһэн хүүгэдэй сэсэрлигтэ заһабарилгада 6,2 сая түхэриг гаргашалагдаха юм.
Мүнөө дээрээ заһабарилагдаха хүүгэдэй сэсэрлигүүдтэ конкурсын дансанууд бэлдэгдэнэ.
