643
Буряад Уласай Спортын болон залуушуулай бодолгын яаманай залуушуулай түб «Буряад Уласай мүнөө үеын түрэлхид» гэһэн олониитын эмхитэй хамта уласай «Супер-папа» гэһэн мүрысөө эмхидхэнэ.
Мүнөө үедэ үхибүүдые хүмүүжүүлхэ, гэр бүлын ажабайдалай асуудалнуудаар эсэгэнэрэй эдэбхитэй хабаадахын түлөө тус мүрысөөн үнгэргэгдэнэ. 17 наһанһаа аха бэшэ нэгэ гү, али тэрэнһээ дээшэ үхибүүтэй, айл болоһоор хоёр жэлһээ бага бэшэ болзорто ажаһуудаг Буряад уласай эсэгэнэр мүрысөөндэ хабаадаха эрхэтэй. Тиихэдэ тэдэнэр үхибүүдэйнгээ ажабайдалай бүхы һалбаринуудта нягта хабаадалсадаг байха ёһотой. Найдамтай гэр бүлэтэй, үхибүүдээ олон юумэндэ һурган хүмүүжүүлдэг, олондо жэшээ болохо абанар Буряадта үсөөн бэшэ. Тиимэһээ 2018 оной февралиин 11 болотор мүрысөөндэ хабаадаха тухай мэдүүлгэнүүдые оруулха хэрэгтэй. Энэ хэмжээ ябуулгада илагшад шанда хүртэхэ юм.
