​Буряадай оперо болон баледэй дуушан Михаил Пирогов Мариинска театрта дуулаба

Г. Цындынжаповай нэрэмжэтэ оперо болон баледэй театрай дуушан Михаил Пирогов Мариинска театрай шэнэ тайзан дээрэ январиин 27-до дуулаба.

Санкт-Петербургын алдар суута театрай тайзан дээрэ Михаил Пирогов Мариинска театрай мэдээжэ дуушад Виктория Ястребова, Екатерина Крапивина, Олег Балашов болон Кириллом Жаровин гэгшэдтэй хамта гараба. Ородой Холбоото Уласай габьяата артист, дирижёр Ренат Салаватовай хүтэлбэри доро оркестр хүгжэм наадаһан байна . Михаил Пирогов энэ үдэшэ Джакомо Пуччиниин “Мадам Баттерфляй” гэһэн оперодо лейтенант Пинкертоной роль гүйсэдхөө.

Мариинска театрта амжалтатайгаар тоглолтодо хабаадажа, Михаил Пирогов нютагаа бусажа, бэлэдхэлэй ажал ябуулха. Февралиин 6-да Буряадай дуушан Джузеппе Вердиин “Бал-маскарад” гэһэн оперо Густавай роль гүйсэдхэхэ юм.Тиихэдэ Самбуу Батчимэг, Александр Хандажапов, Билигма Ринчинова, Ольга Жигмитова болон Буряадай оперо болон баледэй бусад дуушад энэ үдэшэ шэмэглэхэ. Санкт-Петербург хотын дирижёр Виталий Шевелев оркестр хүтэлбэрилхэ юм.