536
Ородой Холбоото Уласай Хэлхеэ Холбооной агентствын хүтэлбэрилэгшэ Олег Духовницкий болон Буряад Уласай Толгойлогшо Алексей Цыденов Буряад уласай Засагай газар федеральна агентство ажалаа суг ябуулха тухай хэлсээ баталһан байна. Ородой Холбоото Уласай Юрэнхылэгшын дэргэдэхи Буряадай бүрин эрхэтэ түлөөлгын газарта энэ хэлсээн баталагдаба.
Буряад уласай Засагай газарай эмхи зургаанууд, нютагай засагай байгууламжанууд болон ажаһуугшад тогтууритай, аюулгүйгөөр мэдээсэл дамжуулха, хоорондоо андалдаха зорилготой хэлсээн абтаба. Тиихэдэ уласай түүхэтэ болон соёлой уг залгамжаһан баялиг мүнөө үеын оньһон түхерэлгэнүүдэй хүсөөр бодото байһан соонь үзэжэ, дэлгэрүүлжэ, тэрэниие сахиха тухай дансада хэлэгдэнэ.
Баталагдаһан хэлсээнэй ёһоор, Буряад Уласта һайн шанартай, мүнөө үеын эрилтэнүүдтэ тааруу зайн галай болон хэлхеэ холбооной туһаламжа үзүүлхэ, байгаалиин болон бусад гэнтын аюул болоһон тухай ажаһуугшадта дуулгаха дохёо хүгжөөлгэ түрүүлэн байха юм. Ород гүрэнэй ажаһуугшадай, илангаяа залуушуулай, болбосоролой болон соёлой талаар хүмүүжүүлгэ үргэдхэхэ зорилго хэлсээндэ тэмдэглэгдэнхэй. Абтаһан данса бэелүүлхэ талаар, һаядаа суг үнгэргэхэ хэмжээ ябуулгануудые түсэблэхэ юм. Буряад Уласай Транспортын, элшэ хүсэнэй болон харгын ажахын яаман хэлсээ белүүлхэ талаар ажал ябуулха, хинаха болоно.
