1009
Анна Огороднигой гэрэл зураг
«Баатар. Дангина - 2018» гэһэн можо хоорондын мүрысөөн Сагаан һарын найр нааданда болон Буряад арадай үндэһэтэнэй «Алтаргана-2018» нааданда зорюулагдана.
«Баатар. Дангина - 2018» гэһэн мүрысөөн «Эдир Баатар», «Эдир Дангина», «Баатар», «Дангина» гэһэн номинацинуудаар гурбан шатада үнгэргэгдэхэ. Тус мүрысөөнэй эмхидхэн байгуулагша - Буряад Уласай соёлой яаман, эмхидхэгшэ – Буряад Уласай арадай уран бүтээлэй түб юм. Мүрысөөнэй түрүүшын шата Буряад Уласай ниислэл хотодо болон аймагуудта үнгэргэгдэхэ. Хоёрдохи шата Чайковскиин нэрэмжэтэ Соёл, урлагай колледждо мартын 4-5-най үдэрнүүдтэ эмхидхэгдэхэ юм. Мүрысөөнэй түгэсхэлэй шата Н.А. Бестужевай нэрэмжэтэ Ород драмын театрта мартын 6-да үнгэргэгдэхэ. «Баатар. Дангина - 2018» гэһэн мүрысөөндэ хабаадагшад дуулаха, хатарха, өөр тухайгаа хөөрэхэ болоно. Тиихэдэ 7-һоо 16 хүрэтэр наһатай үхибүүд, 22 наһатай болотор залуу басагад болон 25 хүрэтэр наһатай эрэшүүл мүрысөөндэ хабаадаха аргатай . Мүрысөөндэ ямаршье яһанай хүнүүд хабаадаха аргатай, зүгөөр тэдэнэр буряад хэлэ һайн мэдэхэ ёһотой гэжэ эмхидхэгшэд хэлэнэ.
Буряад Уласай Соёлой яаманай хэблэлэй албанһаа гэрэл зураг абтаба
«Баатар. Дангина - 2018» мүрысөөндэ хабаадах тухай мэдүүлгэ 2018 оной февралиин 25 болотор Буряад Уласай арадай уран бүтээлэй түбтэ 670031, Республика Бурятия, г. Улан-Удэ, ул. Смолина, 6, РЦНТ, e-mail:[email protected], kddrс[email protected] гэһэн хаягаар оруулжа болоно. Холбоо бариха утаһан: 8(3012) 37-94-80, (206 нэмэхэ). Мүрысөөнэй залан хүтэлбэрилэгшэ: Гомбоева Альбина Николаевна – 8(3012)37-94-80, (206 нэмэхэ), 89834281874
