Мал эмшэлдэг залуу мэргэжэлтэдые хүдөө нютагууд руу хүдэлхыень эльгээхын тула “Хүдөөгэй эмшэн” (“Земский доктор”) гэһэн программада адлирхуу хэмжээ ябуулга зохёон бэлдэхые Арадай Хуралай һунгамалнууд Федерациин Соведтэ Буряад Уласай үдэрнүүдэй хэмжээндэ дурадхаа юм.
Буряад Уласай Арадай Хуралай Аграрна бодолгын хорооной түрүүлэгшэ Александр Попов Федерациин Соведэй зүблөөндэ үгэ хэлэхэдээ, Байгалай байгаалиин дэбисхэр хамгаалга хадаа можо нютагта малай хамшагай талаар һайн ба аюулгүй байдалһаа горитойгоор дулдыдана гэжэ онсолоо.
- Мүнөө сагта Буряад Улас галзуу үбшэн гэхэ мэтын амитандашье, хүндэшье адли хүрэдэг халдабарита үбшэнүүдэй талаар муу байдалтай. Тиихэдэ боомо (сибирскэ язва) ба шүлхы (ящур) үбшэн Монголһоо ба Үбэр Байгалай хизаарһаа дэлгэрхэ аюултай. Мал эмшэлэлгын мүнөө үеын эрилтэнүүдые, мал тоо бүридхэлдэ абалгын, танилгын шэнэ оньһон аргануудые нэбтэрүүлхэ гэбэл, Буряадай гүрэнэй ветеринарна албаниие заабол зохистой мэргэжэлтэдээр хангаха ба мүнгэн зөөриин-оньһон хэрэгсэлэй талаар байдалыень һайжаруулха шухала, - гэжэ Александр Попов хэлээ.
Буряадай хүдөө нютагуудта мал эмшэлдэг залуу мэргэжэлтэд дуталдана.
- Бага салинһаа, гэр байра үгыһөө боложо, залуу мэргэжэлтэд хүдөө нютагууд руу ошожо хүдэлхэ дурагүй. Жэшээнь, 2013 ондо хүдөөдэ ажалда абтаһан залуу мэргэжэлтэдэй 61,5 хубинь жэлшье хүдэлэнгүй, ажалһаа болиһон байна. 2014 ондо тус харуулалта 55 хуби бүридхөө, 2015 ондо – 75, харин 2016 ондо бүри 100 хубида хүрөө, - гэжэ Арадай Хуралай һунгамал тайлбарилаа.
Залуу мэргэжэлтэдые хүдөө ажахын үйлэдбэридэ хабаадуулхын тула “Буряад Уласта хүдөө ажахын үйлэдбэриин комплекс ба хүдөө дэбисхэрнүүдые хүгжөөлгэ” гэһэн гүрэнэй программын хэмжээндэ уласай һанһаа хэдэн дэмжэлтэ хараалагданхай. Теэд энэ шэглэлээр һомололгын хэмжээнэй бага һэн хойно мэргэжэлтэдээр хангалгын асуудал шиидхэгдээд орхиногүй.
Тиимэһээ Александр Попов дээдэ һуралсалаа түгэсхэһэн мэргэжэлтэдые – малай эмшэдые хүдөө нютагуудта хүдэлгэхын тула “Хүдөөгэй эмшэн” гэжэ программада адли тусхай программа бэлдэхэ арга боломжо гүрэнэй Засагай газарта хаража үзэхэ тухай уласай дурадхал дэмжэхыень уряалаа.
- «Хүдөөгэй эмшэн» һайн дүнгүүдые харуулаа ха юм. Иимэл аргаар малай эмшэдтэй хүдэлхэ хэрэгтэй, - гэжэ Арадай Хуралай һунгамал тэмдэглээ. – Буряадай гүрэнэй хүдөө ажахын академидэ 80 гаран жэлэй туршада малай эмшэдые бэлдэдэг. Ажалынь һурамхи болонхой. Самые проверенные казино на http://www.wowmagic.ru/ с лучшими бонусами на перый депозит.
Сенаторнууд Буряадай һунгамалнуудай үүсхэл дэмжээ. Дурадхалнууднай Федерациин Соведтэ Буряад Уласай үдэрнүүдээр дүнгэй дансада оруулагдаха.
Арадай Хуралай хэблэлэй албан