​Шангай һууринууд – Якутск хотодо

Олимпиин чемпион Роман Дмитриевэй мүнхэ дурасхаалда зорюулагдаһан уласхоорондын мүрысөөн Якутск хотодо мар­тын 2-4-эй үдэрнүүдтэ үнгэргэгдэбэ. Эндэ Буряадай тамиршад гурбан медаль абажа шадаа.

Энэ мүрысөөнэй хибэс дээрэ 1998-2000 онуудай залуушуул га­раа. 14 гүрэнэй 200 гаран тамир­шад шанга тулалдаануудта хабаа­даа.

57 килограмм хүрэтэр шэгнүүртэ аяар 43 хүн мүрысэһэн байна. Тэдээн сооһоо манай Ан­дрей Гатаулин финалда орожо шадаа. Хахад финалай уулзалгада Андрей Тывагай Чаян Монгушто шүүгдэжэ байгаад, барилдаанай түгэсхэлдэ илалта туйлажа шадаа. Мүн финалда Дагестанай Ахмед Идрисовые өөрөө шүүжэ ябаад, ба­рилдаанай һүүл багаар хоёр очко алдажа, шүүгдээ. Иигэжэ тэрэ хоёр­дохи һуури эзэлээ.

Буряадай залуу барилдаашад Буян Цыренов болон Андрей Елба­скин хүрэл медальнуудые абаба.