674
Мүнөөдэр, мартын 27-до, Буряад Уласай Толгойлогшо Алексей Цыденов интернет сүлжээнэй өөрынгөө хуудаһанда Кемерово хотын «Зимняя вишня» гэһэн худалдаа-наймаанай түбтэ болоһон түймэртэ наһа бараһан хүнүүдэй дурасхаалда шаналал гашуудалай үдэр соносхобо.
«Улас дотор шаналал гашуудалай үдэр соносхогдоно. Одигитриин һүмын дэргэдэ үнгэргэгдэхэ гашуудалай хэмжээ ябуулгаһаа гадуур, Театральна талмайда митинг үнгэргэгдэхэ! Кемерово – танай гашуудал хубаалданабди!», - гэжэ Алексей Цыденов тэмдэглэбэ.
Одигитриин һүмын дэргэдэ гашуудалай хэмжээ ябуулга үдэшын 20 сагта үнгэргэгдэхэ. Энэ акцида ажаһуугшад дурасхаалай дэнгүүдые аһааха юм. Линховоинай нэрэмжэтэ талмайда 17 сагта митинг эмхидхэгдэхэ.
