697
РИА-Новости албанай гэрэл зураг
Урда Солонгосой Пхенчхан хотодо Олимпиин үбэлэй XXIII наадануудта хабаадаһан Алиса Жамбалова апрелиин хоёрто Буряад Уласаа ерэхэ гэжэ түсэблэгдэнхэй. Энээн тухай Буряадай спортын болон залуушуулай бодолгын талаар яаманда мэдээсэбэ.
Буряадай урдаа хараха тамиршан Алиса Жамбалова Олимпиин наадануудта дүрбэ дахин урилдаануудта хабаадаа. Олимпиин наадануудта санаша басаган 30 модоной марафондо 15-дахи һуури эзэлһэн гэжэ һануулнабди. 10 модоной зайда Алиса 17-дохи һуурида гараа, скиатлондо -21-һуури эзэлээ.
Ородой Холбоото Уласай Санаар урилдаанай федерациин юрэнхылэгшэ Елена Вяльбе Алиса Жамбалова тухай хэлэхэдээ, һайн дүнгүүдые харуулаа гэжэ тэмдэглэһэн байна. Энээнһээ урид Дэлхэйн Кубогта хүртэхын түлөө мүрысөөнүүдтэ Алиса нэгэ удаа дэлхэйн эгээл эрхим табан санашадай тоодо ороһон юм.
Алиса Жамбаловагай Олимпиин наадануудта хабаадаһанай удаа Буряад Уласта санаар урилдаанда мүнгэ һомололго дээшэлүүлхэ, спортын наадануудай баазада санаар урилдаа оруулха мэдүүлгэ оруулха гэһэн шиидхэбэринүүд абтаһан байна.
Ородой Холбоото Уласай Федерациин Зүблэлэй спорт болон бэеын тамирай хорооной мэргэжэлтэ шүүбэришэдэй албанай хэрэгээр Буряадта ерэхэдэ, уласай хүтэлбэрилэгшэ Алексей Цыденов 2022 ондо Пекин хотодо үнгэргэгдэхэ Олимпиин үбэлэй наадануудта бэлэдхэл гараха спортын зарим һалбаринуудаар бэлэдхэлэй түб улас дотор байгуулагдаха тухай хэлэһэн байна.
