576
Үнгэрһэн үдэрэй туршада Буряад уласай табан аймагуудта ойн долоон түймэр сараха талаар ажал ябуулагдаа. Тэдэнэй 5-иинь унтараагдаһан байна. Тиихэдэ Түнхэнэй дархан газарта болон Байгал шадар аймагта гараһан түймэрнүүд сарагдана гэжэ Ойн ажахын агентство мэдээсэнэ.
Түймэр унтараалгада бүхыдөө ойн харуулай хүдэлмэрилэгшэд, ой түлбэритөөр ашаглагшад – бүхыдөө зуугаад хүн хабаадажа, түймэр саралгын 19 техникэ хэрэглэгдээ.
Буряад Уласай дэбисхэртэ, хойто аймагуудһаа гадуур түймэрэй аюултай хаһын онсо байдал апрелиин 16-һаа соносхогдоо гэжэ һануулнабди
Онсо байдалай үедэ ойдо орохо, түүдэг носоохо, хагда галдаха хоригдоно. Түймэрэй аюултай хаһын онсо байдалай журам эбдэһэн эрхэтэд 4 мянганһаа 5 мянган хүрэтэр, харюусалгата нюурнууд 20 мянганһаа 40 мянган хүрэтэр, юридическэ нюурнууд - 300 мянганһаа 500 мянган түхэриг хүрэтэр ялада тохогдохо. Түймэрэй һүжэрһэн гү, али хуули бусаар хагда галдаһан ушар тухай дүтын ойн ажахыда гү, али (83012) 20-44-44 гэһэн утаһаар дуулгаха хэрэгтэй.
