Анна Огороднигой гэрэл зураг
Буряад Уластамнай ажаһуудаг олон үндэһэ яһата арад зон соо ямар нэрэнүүд болон обогуудай эгээ дэлгэрэнгые анха түрүүшынхиеэ элирүүлхын хажуугаар, хэды хүн тэдэниие зүүжэ ябанаб гэжэ тоологдоо.
Уласаймнай ажаһуугшадай хамтын тоодо эрэшүүлэй дунда Александр, харин эхэнэрнүүд сооһоо Татьяна гэжэ нэрэтэй зон хамагай олон гээд элирүүлэгдэһэн байха юм. Энээн тухай эрхэтэдые ами амяарнь бүридхэлгын мэдээнүүд дээрэ үндэһэлэн, Ородой Холбоото Уласай Тэдхэмжын (Пенсиин) жасын мэдээсэлэй албан һаяхана дуулгаба.
Хүн зониие иигэжэ бүридхэлдэ абаха арга эгээл тодо зүб, тиимэһээ дэлгэрэнгы нэрэтэйшүүлэй тоо алдуугүй юм. Гүрэнэй Тэдхэмжын жасын манай Уластахи таһагай эрхэтэдые ами амяарнь бүридхэдэг албан нэгэ саяһаа үлүү нютагаархидаймнай тэдхэмжын хубиин счёдуудые харгалзалжа байдаг гээд Пенсиин жасын Буряад Уластахи таһагай хэблэлэй албанай түлөөлэгшэ Ирина Сандакова мэдээсэһэн байха юм.