698
Буряадай хүдөө ажахын ехэ һургуулиин тоглолтын танхимда үнгэрһэн гарагай 6-да хүдөө ажахын болон эдеэ хоолой, болбосоролой болон эрдэм ухаанай, тамирай болон залуушуулай бодолгын талаар яамануудай, ажаһуугшадые ажалаар хангаха агентствын түлөөлэгшэд, оюутад, багшанар олоор сугларба. Жэл бүри эмхидхэгдэдэг можо хоорондын яармагта Буряад уласай, Үбэр Байгалай хизаарай болон Эрхүү можын хүдөө ажахынуудтай оюутад танилсажа, холбоо бариха арга олоно. Буряадай хүдөө ажахын ехэ һургуулиин һуралсалай талаар проректор Наталья Николаевагай хэлэһээр, газар үйлэдбэриин комплексдо оюутад олоһон мэргэжэлээрээ ажалтай болохо ехэ шухала. Тиимэһээ энэ хэмжээ ябуулга оюутадта хэрэгтэй гэжэ тэмдэглэбэ.
Буряад Уласай болон эдеэ хоолой яаманай хүдөө газарнуудай болон бага ажахынуудай таһагай дарга Светлана Кобылкина хүдөө нютагуудта мэргэжэлтэд дуталдана, тэдэниие дэмжэһэн федеральна программа тухай хөөрэбэ. Хүдөө ажахын ехэ һургуулиин оюутад улас дотор болон хүршэ можо нютагуудта ямар мэргэжэлтэд дуталданаб, ажал дурадхаһан ажахынуудай түлөөлэгшэдтэй уулзажа, һонирхоһон асуудалнуудтаа харюу абаһан байна.
