998
Ородой Холбоото Уласай Юрэнхылэгшэ Владимир Путин байгша оной апрелиин 25-да Буряад Уласай байгуулагдаһаар 100 жэлэй ойн баяр тэмдэглэхэ тухай зарлиг абаба. Энээн тухай зарлиг хуули ёһоной мэдээсэлэй сайтда хэблэгдэнхэй.
“2023 ондо Буряад Уласай байгуулагдаһаар 100 жэлэй ойн баяр тэмдэглэхэ тухай Ородой Холбоото Уласай Засагай газарай дурадхал зүбшөөхэ”, - гэжэ зарлигта бэшээтэй.
Ородой Холбоото Уласай можо нютагуудай засагай газарнууд болон нютагай өөһэдын хүтэлбэри Буряад Уласай байгуулагдаһаар 100 жэлэй ойн баяр тэмдэглэхэ бэлэдхэлдэ хабаадалсаха тухай гүрэнэй хүтэлбэрилэгшэ тэмдэглээ. Гар табиһан үдэрһөө зарлиг хуулита хүсэндөө ороно.
Энээнһээ урид 2020 ондо Татарстан уласай байгуулагдаһаар 100 жэлэй ойн баяр тэмдэглэхэ тухай Владимир Путин зарлиг абаһан байна. Татарстанай Засагай газар баярай хэмжээ ябуулгануудта бэлэдхэлэй ажал ябуулжа эхилээ.
