705
Ородой Холбоото Уласай можо нютагуудай дунда мүнгэ зөөри оруулалгын хүгжэлтын талаар Буряад Улас 73-дхаи һууриһаа 38-дахи һуури эзэлжэ, түрүүлэн ябаһан можо нютагуудай тоодо оробо. Энээн тухай Санкт-Петербург хотодо үнгэргэгдэһэн эдэй засагай уласхоорондын хуралдаанда Холын хараата эдэбхи үүсхэлэй агентство мэдээсэбэ.
Холын хараата эдэбхи үүсхэлэй агентствын юрэнхы захирал Светлана Чупшевагай хэлэһэнэй ёһоор, 2018 ондо Ородой Холбоото Уласай 78 можо нютагуудта мүнгэ зөөөри оруулалгын талаар хэмжээн дээшэлэгдээ, Буряад Улас эрхим бүлэгэй тоодо оробо.
Тоололго хадаа 44 гэршэлэлһээ бүридэдэг. Тэрэ тоодо зайн галай, уһанай һужаануудта хабсаралга, барилга хэхэ зүбшөөл абалга, өөрын мэдэлэй болгоһон данса, олзын хэрэг эрхилэгшэдтэ үзүүлэгдэдэг туһаламжа болон арга боломжонууд, харгы, коммуникаци, инкубаторнууд, үйлэдбэриин паркнууд, ажалшад, тиихэдэ бага олзын хэрэг эрхилэлгэ дэмжэхэ талаар тэдхэмжэ, талмайнууд болон болбосоролой программа ородог юм.
«Олзын хэрэг эрхилэгшэд гараһан асуудалнуудаар бидэндэ хандана. Шалгалтанууд үсөөн болоо. Олзын хэрэг эрхилэгшэдтэ зайн галай түлбэри доошологдоо. Олзын хэрэг эрхилхэ талаар дэмжэлгэ, тэдхэмжэ үзүүлэгдэнэ. Энэ тоо бүридхэлдэ урагшаа ехэ алхам хэгдээшье һаа, эрхим хориной тоодо ороногүйбди. Тиимэһээ энэ талаар ажал үргэлжэлүүлэгдэхэ», - гэжэ Буряад Уласай Толгойлогшо Алексей Цыденов хэлэбэ.
Үнгэрһэн жэлэй август һарада холын хараата эдэбхи үүсхэлэй агентство Буряад Уласта мүнгэ зөөри оруулалгын оршон һайжаруулха талаар сесси үнгэргэһэн байна гээд һануулая. Тэрэ сессиин дүнгүүдээр, улас дотор нэгэдэмэл харгын карта байгуулагдажа, мүнөө бэелүүлэгдэнэ. Һүүлэй табан жэлэй туршада улас дотор мүнгэ зөөри оруулалга доошолжо, 2017 ондо энэ талаар байдал һайжарһан байна. Ородой Холбоото Улас дотор 13-дахи һуурида гараа гээд тэмдэглэлтэй.
Буряад Уласай Толгойлогшын болон Засагай газарай хэблэлэй албанай гэрэл зураг
