Буряад Уласта мал үсхэбэрилгэ хадаа заншалта ажаябуулга болоно. Жэлһээ жэлдэ хүдөө ажахы эрхилэгшэд малай тоо олошоруулха талаар ажал ябуулна.
2017 ондо ган жэл болоошье һаань, тэрэнэй дүнгүүдээр, мал болон адуунай тоо Буряад Уласта бага болоогүй. Тиихэдэ хони, ямаадай тоо 310,6 мянган тоодо хүрөө. Энэ тоо һүүлэй 21 жэлэй туршада дабаагдаагүй байгаа. Аяар 1996 ондо Буряад уласта хонидой тоо 300 мянганһаа дээшэ болоһон байха юм.
Гүрэнэй тэдхэмжэдэ хүртэһэн ажахынуудта малай, хонидой тоо нэн түрүүн олон болоо гэжэ тэмдэглэлтэй. 2016 оной тоо баримтаар, хүдөө ажахын эмхинүүд болон фермерскэ ажахынуудта 27 мянган толгойгоор хони, ямаадай тоо олошороо.
Буряад Уласай хүдөө ажахын болон эдеэ хоолой яаман мал ажахынуудые дэмжэһээр. 2018 оной мартын 12-һоо 30 болотор үүлтэртэ мал үсхэбэрилгээр тэдхэмжэдэ хүртэхэ талаар дансанууд бүридхэгдөө. Байгша ондо 483 мэдүүлгэнүүд хүдөө ажахын болон эдеэ хоолой яаманда ороһон байна. Тиихэдэ мэдүүлгэнүүдые оруулһан зон булта шахуу гүрэнэй дэмжэлгэдэ хүртөө. 2018 ондо мал үсхэбэрилгэдэ 200 саяһаа дээшэ тэдхэмжэ түлэгдэхэ гэжэ хараалагданхай.