885
Мүнөөдэр, июниин 5-да, Буряад Уласай Арадай Хуралай ээлжээтэ бэшэ сессидэ зургаадахи зарлалай һунгамалнуудые һунгаха үдэр элирүүлэгдэбэ. Мүнөө хүдэлжэ байһан парламент 2013 оной сентябриин 8-да табан жэлэй болзорто һунгагдаһан юм.
Федеральна хуулиин ёһоор, гүрэнэй засагай эмхинүүдтэ һунгалта сентябрь һарын хоёрдохи гараг нэгэндэ гэжэ баталагданхай. Тиимэһээ һунгалта байгша оной сентябриин 9-дэ үнгэргэгдэхэ.
- Буряад Уласай Үндэһэн хуулиин ёһоор, Буряад Уласай Арадай Хурал һунгамалнуудые һунгаха үдэр гаргаха болоно. Арадай Хуралай һунгамалнууд табан жэлэй болзорто һунгагдана. Һунгалтын ниитэ нэгэ үдэр болотор засаг зургаанай уялга дүүргэхэ болзор дүүрэһэн байгаа һаа, сентябриин хоёрдохи гараг нэгэндэ һунгалта үнгэргэгдэдэг, - гэжэ Арадай Хуралай һунгамал Виктор Малышшенко тайлбарилба.
Хуулиин энэ түсэлөөр Буряад Уласай Арадай Хуралда һунгалта 2018 оной сентябриин 9-дэ үнгэргэгдэхэ гэжэ һунгамалнууд дуугаа үгэбэ.
