Буряад Уласай ниигэмэй хамгаалгын талаар яаманай гэрэл зураг
Ниислэл Улаан-Үдэ хотын 3-дахи наһанай дээдэ һургуулиин шагнагшад байгаали хамгаалгын акци комсомолой 100 жэлэй ойн баярта дашарамдуулаа.
«Бидэ 20-дохи зуун жэлэй комсомол» гэһэн хэмжээ ябуулга энэ дээдэ һургуули үнгэргэбэ. Тиигэжэ Тарбагатай аймагай Тарбагатай ба Десятниково нютагуудаар наһатай эдэбхитэд ябаад ерээ.
Ниислэл Улаан-Үдэ хотын наһажаал зон ашанартаяа суг хамта Омулевка гэһэн газарай Спящий лев гэжэ хадын хормойдо байгаали хамгаалгын акци үнгэргэжэ, бог шоройһоо энэ газарые сүлөөлбэ. Тэрэнэй удаа наһатай зон Тарбагатай нютагай гайхамшагта музей ошожо хараа. Ородой сүмэдэ мүргэхэ сүлөө саг акциин хабаадагшадта ушараа. Тиихэлээр хэмжээ ябуулгын хабаадагшад “басага эрилгэ” гэһэн ородой заншал хаража һонирхобо.
Тус ябалгандаа 20-дохи зуун жэлэй комсомолые харуулһан эдэбхитэд өөрынгөө залуу наһан тухай хөөрэжэ үгэбэ. Тэдэ гэрэл зурагуудые харуулаад, БАМ-да хүдэлһэнөө хөөрөө.