​Улаан-Үдын ниигэмэй түб өөрын радиотой болобо

Буряад уласай ниигэмэй хамгаалгын яаманай албанай гэрэлэй зураг

Түмэр замай хороогой эрэмдэг зоной нэгэдэлтэй суг хамта Улаан-Үдын “Доверие” гэһэн ниигэмэй туһаламжын түб “Радиоволна позитива” гэһэн түсэлөөр өөрын радиотой болоо.

Үдэр бүри эндэ хүгжэмтэ бэлэгүүд, хэшээлнүүд, дулаан амаршалганууд, психологиин аутотренингнууд соносхогдоно.

Тус түсэл грантын хүсөөр бэелүүлэгдэбэ. Тэрэнэй гол зорилгонь хадаа түбтэ ажаһууһан наһажаал зондо зохид ажабайдал байгуулха. Тиин шэнэ түсэл наһатай зоной сэдьхэл һанаае арюудхажа, ута наһа эдлэжэ, амгалан тайбан ажаһуухыень хамгаална.