604
Буряад Уласай болбосоролой болон эрдэмэй яаманай хэблэлэй албанай гэрэлэй зураг
“Алтай 2018” гэһэн сэрэгэй болон эхэ орондоо дуратайшуулай нэгэдэлнүүдэй бүхэроссиин аяншалгын суглаанда Улаан-Үдын 58-дахи һургуулиин “Кадеты Бурятии” бүлэг хабаадаха болобо.
Хэмжээ ябуулга июниин 24-һоо июлиин 1 хүрэтэр Алтай хизаарай Смоленск хороогой Солоновка нютагта үнгэрхэ. Байгша оной апрель-май һарануудта тус мүрысөөндэ хабаадагшадые Ород уласай 10 нютаг можонуудта шэлэжэ гаргаа.
Олониитын байгуулгын суглаанда элдэб һонирхолтой мастер-классууд, рафтинг, хадаар абиралга, парапланеризм болон бусад һонирхолтой хэмжээ ябуулганууд ябуулагдаха түсэбтэй.
Энэ суглаанда Ородой уласай нютаг можын 10 бүлгэмүүд болон Алтай хизаарай 5 бүлэгүүд хабаадана. Бултадаа эдэ сэрэгэй болон эхэ орондоо дуратайшуулай 15 бүлэгүүд 2015 онһоо урид байгуулагданхай.
Юрэнхылэгшын грантнуудай жасын мүнгэн һангай туһаламжаар олониитын байгуулгын суглаан үнгэрнэ.
