503
Байгша оной июниин 27-до Буряад уласай Сэлэнгэ аймагта “Фермерэй үдэр” гэһэн агро-үйлэдбэритэ семинар хэгдэхэ. Энэ хэмжээ ябуулган М.Е.Черныхэй таряашанай ба фермерскэ ажахын дэргэдэ ябуулагдаха.
Семинарта буряад уласай 70 фермернүүд, таряашадай ба фермерскэ ажахын хүтэлбэрилэгшэд, гэр бүлын мал ажахынуудые ба ажалаа һая эрхилһэн фермернүүдые тэдхэһэн гүрэнэй программын хабаадагшад, гүйсэдхэхы засагай болон уласай эрдэмэй түлөөлэгшэд хабаадаха.
Хэмжээ ябуулгада таряашанай ба фермерскэ ажахынуудые һүнэй шэглэлээр хүгжэлтэ, һүнэй мал ажахы, мяханай мал ажахы, зүгы үдхэлгын ажахы болон бусад түсэлнүүдтэй сугларагшад танилсаха.
Хэмжээ ябуулгада Буряад уласта фермерскэ ажахын хүгжэлтэ болон нуга ажаллалгын, малай хоолой үйлэдбэрилгэ тухай хэлсэгдэхэ. Мүн электронно ветеринарна үнэмшэлгэнүүдэй, хүдөө ажахын хамтаралай, эбэртэ бодо малые үрэжүүлхэ гэһэн асуудалнуудые шиидхэхэ.
Хабаадагшадта гүрэнэй тэдхэмжэ тухай ойлгуулха.
Хэмжээ ябуулгада Буряад уласай хүдөө ажахын болон эдеэ хоолой таһагай дарга Светлана Кобылкина, В.Р.Филипповай нэрэмжэтэ хүдөө ажахын академиин профессор, хүдөө ажахын эрдэмэй доктор Анатолий Бутуханов, Буряад уласай мэдээсэлэй ба метологиин түбэй дэргэдэхи мэдээсэлэй ба селекциин нютаг можын дарга Баяр Минжуров болон уласай хүдөө ажахын ба эдеэ хоолой яаманай түлөөлэгшэд хабаадана.
Хэмжээ ябуулгые Буряад Уласай мэдээсэлэй ба метологиин түб болон Буряад Уласай хүдөө ажахын болон эдеэ хоолой яаман эмхидхэнэ.
Бүри тодорхой мэдээсэл 55-29-60 утаһаар хонходожо һурахада болоно.
