820
Буряад Уласай хүдөө ажахын болон эдеэ хоолой яаманай хэблэлэй албанай гэрэл зураг
Байгша оной июниин 29-һөө июниин 30 болотор Сэлэнгэ аймагай Суурхайта нуурай “Смена” базада залуушуулай форум үнгэрхэ. Хэмжээ ябуулга хүдөө ажахын асуудалнуудые шэнжэлхэ болон хүдөө ажахын ажалда һонирхол түрүүлхэ зорилготойгоор ябуулагдана. Хэмжээ ябуулгые Буряад уласай мэдээсэлэй ба методологиин түб болон Сэлэнгэ аймагай захиргаан эмхидхэнэ.
32 наһа гүйсөөдүй Сэлэнгэ, Зэдэ, Захаамин, Хяагта аймагуудай ажаһуугшад хэмжээ ябуулгада уригданхай. Залуушуулай дунда хүдөө ажахын мэргэжэлнүүдэй болон ажалай нэрэ хүндэ бодхоохо гээд форумой гол зорилго болоно.
Хэмжээ ябуулгада уласай эрхим олзо эрхилэлгын түсэлнүүд тухай хөөрэхэ. Хүдөө ажахын ажаябуулгын һалбарида залуушуулай эрдэмэй –шэнжэлгын түсэлнүүдэй шэглэл элирхэйлэгдэхэ. Хүдөө ажахын залуушуултай хүдэлмэри ябуулгада зууршалгануудые оруулха. Мүн нютагай залуушуултай мүнөөдэрэй шэнэ сагай шиидхэгдээгүй асуудалнуудаар хөөрэлдэхэ.
Тиин дуратайшуул “Өөрын олзо эрхилэлгэ эхилэ” нааданда хабаадаха аргатай. Бага ажахынуудта гүрэнэй туһаламжа тухай тодорхойгоор хөөрэжэ үгэхэ.
“Түүдэгэй наадан” гээд залуушуулай программаар Суурхайта нуурта шэнэ тамаралгын хаһа нээгдэхэ.
Хабаадаха дуратайшуул июниин 26 болотор мэдүүлгэ [email protected]. гэжэ хаяг руу эльгээхэдэнь болоно.
Бүри тобшо мэдээсэл энэ утаһаар: 8 (30145) 44-1-20, 8 (908) 597-55-99 (Жигжитова Анжелика Сергеевна) хэлэжэ үгэхэ.
