963
Буряад уласай ниигэмэй хүгжэлтын яаманай хэблэлэй албанай гэрэл зураг
“Зол жаргалай тодорхойлолто – гэр бүлэ” иимэ нэрэтэй хэмжээ ябуулга Хурамхаан аймагта үншэн хүүгэдые харадаг бүлэнэрэй хабаадалгатайгаар үнгэрбэ.
Хэмжээ ябуулгада иимэ бүлэнэрэй эхэ эсэгэнэр, һомоной хүтэлбэрилэгшэд, харзалгалгын ба тэдхэн хүмүүжүүлгын гүрэнэй эмхиин мэргэжэлтэд, аймагай албанай түлөөлэгшэд хабаадалсаа.
Тус конференци Хурамхаан аймагай хүүгэдтэ ба гэр бүлэдэ ниигэмэй туһаламжын албан эмхидхэбэ. Хэмжээ ябуулга “Гэр бүлын дулаан” түсэлэй дүн согсолно. Тэрээниие “КАФ” филантропи хүгжөөхэ ба туһаламжын Жаса болон “Амвэй” компани эмхидхээ. “Хүүгэдтэ дуратайгаар” гээд буян үйлэдэлгын программаар энэ түсэл бэелүүлэгдэнэ.
Хүүгэдтэ болон гэр бүлэдэ ниигэмэй туһаламжа үзүүлдэг түбэй психолог Валентина Шагжиевагай хэлэһээр, тус түсэлдэ 12-14 наһанай хүүгэдые хүмүүжүүлдэг 23 бүлэ хабаадаа. Тэдэнэр булта психологическа диагностико гаранхай. Мүн хүн бүхэниинь консультацида хүртэбэ, “Гэр бүлын оршон” гээд программаар тренингнуудта тэдэнэр хабаадалсаа.
Түсэлэй хэмжээ ябуулга хүүгэдэй ба эхэ эсэгэнэрэй хани харилсаа тогтоохо болон бүлын кризиснэ байдалые дабаха ажалда хэрэгтэй.
Конференциин дүнгөөр 12 бүлэнэрые Хурамхаан аймагай захиргаанай ба уласай хүн зониие ниигэмэй талаар хамгаалгын яаманай шагналаар урмашуулаа.
Хүүгэдтэ зорюулһан тоглолтын программаар хэмжээ ябуулга түгэсэбэ.
