736
Буряад Уласай Засагай газарай хэблэлэй албанай гэрэл зураг
Байгша оной июниин 25-да Буряад Уласай Засагай газарта олониитын эмхинүүдтэй ба үүсхэлтэ бүлэгүүдтэй ой модо һэргээхэ талаар Буряад Уласай толгойлогшо Алексей Цыденов уулзалга үнгэргөө.
“Мүнөөдэр бидэнэртэ олониитын шалгалта туһалха. “Томо нюдэн ехэ хиналта хэхэ” гээд үгэнүүд бии. Эмхидхэмэл ажал байха ёһотой. Һонирхоһон хүн зониие энэ ажалда абаха. Иимэ хүдэлмэри ганса Захаамин аймагта бэшэ болон бусад уласай аймагуудта ябуулха хэрэгтэй. Юуб гэхэдэ бидэ өөһэдөө хаа хаанагүй ой модо тайраха, зоной үнэмшэлһэн саарһагүй хүдэлдэг болон ой модоной хаягдал тухай мэдэжэ абаад, харюусалгатай болохо болонобди. Тиимэһээ олониитын хиналта хүн зоной һайн үүсхэл боложо үгэнэ, тэрээниие бидэ дэмжэебди”, - гээд Алексей Цыденов хэлээ.
Уласай толгойлогшын хэлэһээр, зон ажалтай, олзотой байха ёһотой, тиин ой модондо хохидол хэгдэхэгүй, сэбэрлэхэ ба һэргээхэ ажал хэхэ хэрэгтэй. “Ой модо хэрэглэлгэ гамтай ба тааруу зүб байха ёһотой”, - гээд толгойлогшо тэмдэглэбэ.
Мүнөөдэр тоологдоогүй ой модон, татабари түлэнгүй ябалга, хүн зониие хуулиин ёһоор ажалда абаагүй ябадал ой модоной һалбариин шиидхэгдээгүй гол асуудалнууд болоно.
Хэлсэхэ суглаанда олониитын эмхинүүдэй ба үүсхэлтэ бүлэгүүдэй түлөөлэгшэд олониитын хиналтын хуулида дурадхаднуудые оруулха. Уласай толгойлогшо олониитэдэй ажалай бүлэгтэ хабаадаха хүсэлые һайнаар сэгнэбэ.
“Бидэнэрэй гол зорилго хадаа ой модо һэргээхэ ба хэрэглэхэ ажалда зүб гурим байгуулха, хүн зоной хүдэлхөөр, байгаали хамгаалхаар. Ой модо хамгаалхаар”, - гээд уласай толгойлогшо хэлэбэ.
