723
Буряад Уласай Засагай газарай хэблэлэй албанай гэрэл зураг
Мүнөөдэр албанай хэрэгээр Буряад Уласай толгойлогшо Алексей Цыденов Хориин аймагай ниигэмэй һалбариин объектнүүдые, ажахынуудые болон үйлэдбэриин зургаануудые хүрэһэн байна.
Алексей Цыденов Виктор Жигмытовай таряашанай ба фермерcкэ ажахын, Хориин аймагай түбэй аргын газарай, “Тополек” хүүгэдэй сэсэрлигэй ажалтай танилсаха. Мүн, тэрэ наранай элшээр 15 МВТ зайн гал үйлэдбэрилдэг станци барилгые нээхэ. Баян гол нютагта тэрэ арадай барилгын хүсөөр бодхоогдожо байһан соёлой-спортивна хослол хүрэжэ хараха түсэбтэй. Байшанай талмай шэнэлэгдэхэдээ, спортивна заал, кабинедүүд, номой сан болон 90 һуури газартай харагшадай заал нээгдэхэ юм.
Хүүгэдэй болон эдиршүүлэй түбтэ Алексей Цыденов роботехникын, авиа-, 3D-моделированиин таһаг нээхэ. Уласай толгойлогшо Анаа дасан хүрэхэ, Хориин хүүгэдэй ба эдиршүүлэй һургуулиин футбол наадаха талмай хараха. Энэ жэл «Ородой Уласай бэеын тамирай соёл болон спорт хүгжэлтэ” гэһэн федеральна программаар хамтын мүнгэ һомололгоной аргаар хүүгэдэй ба эдиршүүлэй спортивна һургуули хэмэл футбольно талмайтай болгоогдобо.
Буряад уласай толгойлогшо Хори аймагай ажаһуугшадтай, эдэбхитэдтэй, дэбисхэрэй олониитын өөһэдын хүтэлбэринүүдэй эдэбхитэдтэй, аргын хүдэлмэрилэгшэдтэй, спортивна олониитэдтэй болон волонтёрнуудтай уулзаха түсэбтэй.
