Буряад Уласай Засагай газарай хэблэлэй албанай гэрэл зураг
Мүнөөдэр июлиин 3-да, уласай толгойлогшо Алексей Цыденов албанай хэрэгээр Хэжэнгэ аймаг хүрэхэ. Энэ ябалгандаа Алексей Цыденов Худан мүрэн дээгүүр баригдажа байһан хүүргэ, Хэжэнгэ-Чесан-Загустай-Хүртэй автомобильна харгын заһабарилга хараха. Мүн, Үлзытын дунда һургуулиин спортивна заалай барилга хараад, дэбисхэрэй олониитын өөһэдын хүтэлбэринүүдэй эдэбхитэдтэй уулзаха. Тэрэ “Пищевик Агро” гэжэ хүдөө ажахын үйлэдбэрилгын болон худалдаанай кооператив, заһабарилагдаһан Могсохоной хүүгэдэй сэсэрлиг “Наран” хүрэхэ. Тэрэнэй удаа В.С.Мункинай нэрэмжэтэ Хэжэнгын лицей хараад, хүдөө үйлэдбэрилэгшэдтэй болон аймагай олониитэдтэй уулзаха.
Уласай толгойлогшотой суг хамта энэ ябалгандань яамануудай, гүрэнэй эмхинүүдэй хүтэлбэрилэгшэд ябалсана.