793
Буряад уласай соёлой яаманай хэблэлэй албанай гэрэл зураг
Мүнөөдэр ёохор наада элдэб хэмжээ ябуулгануудта хатардаг заншалтай болонхой. Харин энэ хатар зүб гуримаар хатарха хэрэгтэй. Тиимэһээ энэ жэл "Ёохорой һүни" тэмсээндэ хабаадаха дуратай уласай бүлгэмүүд “Байгал” театрай мэргэжэлтэдэй дуунай болон хатарай талаар зүблэл үгэлгэдэ хүртэхэ аргатай. Энэ зүблэлнүүдтэ “Байгал” театрай артистнар тэмсээндэ хабаадагшадые бэлдэжэ, һуралсалай хэшээлнүүдые үнгэргэхэ.
“Мүнөөдэр уласай аяншалга хайшан гээд хүгжөөхэ асуудалай гараад байхада: айлшадта, аяншадта буряад арадай үндэһэтэнэй ёохор зүб ёһоорнь харуулха болонобди”, - гээд эмхидхэлэй хорооной түлөөлэгшэд мэдүүлнэ.
Тэмсээндэ хабаадаха хүсэлөө түрүүшын 5 бүлгэмүүд мэдүүлбэ. “Байгал” театрай захирал Дандар Бадлуев ударидагшатай эмхидхэлэй хороон аймагуудаар ябажа, хэмжээ ябуулгада хабаадалгын эрилтэнүүд тухай уран бэлигэй бүлгэмүүдтэ ойлгуулжа үгэхэ.
Мүнөөдэртөө Ивалга аймагай “Хатарая”, “Залуушуул”, “Һолонго” бүлгэмүүдтэ түрүүшын һуралсалай хэшээлнүүд хэгдэнэ.
«Ёохорой һүни” тэмсээнэй илагшада 100 мянган түхэригэй түрүүшын шан барюулагдаха.
"Бүри дүтэрхы мэдээсэл, [email protected] бэшэжэ, али һаа 21-18-93, 21-23-99 хонходожо, мэдэхэдэ болоно", - гээд Буряад Уласай соёлой яаман дуулгана.
