860
Байгша оной долоон хоногой туршада 90 жэлэй ойн баяраа ажалай ветеранууд Марфа Петровна Бухольцева болон Марфа Степановна Дульская тэмдэглээ.
Хяагта аймагай Полканово тосхондо хамтын ажалшанай, малшанай бүлэдэ Марфа Бухольцева түрэһэн намтартай. Тэрэ ажаябуулгаяа 12-тайһаа үбһэ сабшажа эхилээ. Мүн, 1948 онһоо 1984 он болотор, тэрэ хонишоноор, һаалишанаар хүдэлөө. Тэрэнэй удаа эхэнэр техническэ хүдэлмэришэнөөр ажаллаба.
Тэрэ ажалдаа бэрхэ, хододоо дорюун сэдьхэлтэй эхэнэр һэн. Марфа Петровна 3 хүүгэдые үндылгэжэ, хүл дээрэнь бодхоожо, хүмүүжүүлээ. Мүнөөдэр 7 ашанартай, ажана амгалан ажаһууна.
Хяагта аймагай нүгөөдэхи ажаһуугшань, Марфа Степановна Дульская Бэшүүр аймагай Бюлюутэй тосхондо түрэһэн намтартай. Тэрэ табан үхибүүдэй эгэшэ байһандаа, 1-дэхи анги дүүргэһэнэй удаа хартаабхын полидо ажаллаа, үнеэшье һаадаг байгаа. Тэрэ бага наһанһаа эхилээд, дүү басагад, хүбүүдээ үндын бодхоолсоо. Ажалай намтараа тэрэ һаалишанаар эхилээ. Мүн, ой бэлдэлгэдэ болон үйлэдбэрилгэдэ хүдэлһэн юм. Тэрэнэй удаа тэрэ Хёлго мүрэн дээгүүр ойн модо уһаар урадхуулгада ажаллахаяа ошоһон намтартай. Агууехэ Эсэгэ ороноо хамгаалгын дайнай удаа, тэрэ Наушки станцида оршодог эмнэлгын газарта 15 жэлэй хугасаа соо санитаркаар хүдэлөө. Һүүлээрнь, түмэр харгын вокзал дээрэ техническэ хүдэлмэришэнөөр ажаллаба. Тэрэ Илалтын Үдэрэй ойн баярта дашарамдуулһан хэдэн медальнуудтай, ажалай фронтдо хабаадагша ба ажалай ветеран болоно.
Аймагай захиргаанай, ветерануудай эмхинүүдэй, Хяагта аймагай хүн зондо ниигэмэй талаар хамгаалгын таһагай түлөөлэгшэд хүндэтэ эхэнэрнүүдтэ Ородой Холбоото Уласай юрэнхылэгшэ Владимир Путинай, уласай толгойлогшо Алексей Цыденовэй амаршалгануудые барюулба.
Буряад Уласай ниигэмэй хамгаалгын талаар яаманай хэблэлэй албанай гэрэл зураг
