Буряад уласай хойто аймагуудта 2018 ондо үмхирһэн гэрнүүдһээ БАМ-ай ажаһуугшадые зүүлгэхэ хэрэгтэй 346,5 сая түхэриг һомологдоо. Буряад Уласай барилгын болон гэр байрын ажахы шэнэдхэлгын яамантай баталагдаһан хэлсээнэй ёһоор, Хойто-Байгалай, Муяын аймагуудай болон Северобайкальск хотын бюджедтэ мүнгэн дамжуулагдаа.
2018 ондо һомологдоһон мүнгэнэй ашаар 175 бүлэ үмхирһэн гэрнүүдһээ зөөлгэхөөр түсэблэгдэнхэй. Тиихэдэ ажаһуухада аюултай болоһон, үмхирһэн 10,3 мянган дүрбэлжэн метрэй талмайтай гэрнүүд сүлөөлэгдэхэ. Байгша оной апрель һараһаа энэ хэрэгтэ мүнгэн һомологдожо эхилээ.
Оршон байдалда 115 бүлэнүүд шэнэ гэрнүүдтэ зөөжэ ороод байна.
Тиихэдэ Хойто-Байгалай нютагай засагай байгууламжада 11 сая түхэриг, Муяын аймагта - 184,2 сая түхэриг, Северобайкальск хотодо 151,2 сая түхэриг дамжуулагдаа.
Ородой Холбоото Уласай «Ородой Холбоото Уласай ажаһуугшадые гэр байраар болон коммунальна хангамжаар хангалга», Буряад Уласай «Буряад Уласай барилгын болон гэр байрын ажахын комплекс хүгжөөлгэ» гэһэн гүрэнэй программануудаар 2018 ондо БАМ-ай дэбисхэртэ үмхирһэн гэрнүүдһээ ажаһуугшадые зөөлгэхэ талаар 346,5 сая түхэриг һомологдохо. Тиихэдэ федеральна бюджетһээ - 325,78 сая, уласай бюджетһээ 20,72 сая түхэриг һомологдохо юм.
2018 оной февралиин 5-да Ородой Холбоото Уласай Барилгын болон гэр байрын ажахы шэнэдхэлгын яаман болон Буряад Уласай Засагай газарай федеральна бюджетһээ мүнгэн тэдхэмжэ үзүүлхэ тухай хэлсээ баталһан байна. Удаань Буряад уласай барилгын болон гэр байрын ажахы шэнэдхэлгын яаман Хойто-Байгалай, Муяын аймагууд болон Северобайкальск хотын бюджедтэ үмхирһэн гэрнүүдһээ ажаһуугшадые зөөлгэхэ хэрэгтэ мүнгэ дамжуулаа.