1069
Буряад Уласай Толгойлогшо Алексей Цыденов Ородой Холбоото Уласай Гадаада гүрэнүүдэй хэрэгүүдэй яаманай хандалгаар жэл бүри эмхидхэгдэдэг Ород гүрэнАмерикэ Номгон далайда хамта ажал ябуулха талаар суглаанда Ород гүрэнэй можо нютагуудай делегаци хүтэлбэрилбэ. Энэ хэмжээ ябуулга июлиин 24-һөө 26 болотор Аляскын Анкоридж хотодо үнгэргэгдэбэ. Хоёр гүрэнэй түлөөлэгшэдэй хабаадаһан суглаанда байгша ондо Америкын Аляска, Калифорни, Колорадо, Гавайи, Айдахо, Орегон, Техас, Вашингтон штадууд болон Ородой Холбоото Уласай Буряад, Яхад уласууд, Амурай, Еврейскэ автономно, Магаданай, Сахалинай можонууд, Үбэр Байгалай, Камчатскын, Приморскын, Хабаровскын хизаарнууд болон Чукоткын автономно тойрогой түлөөлэгшэд хабаадаа.
Буряад Уласай Толгойлогшо бага авиациин һалбари хүгжөөхэ талаар сессидэ хабаадаа. «Улаан-Үдын авиазаводто» можо нютагуудай хоорондо ниидэхэ хүнгэн «Байкал» (ТВС-2ДТС) түхэлэй самолёт үйлэдбэрилхэ талаар ажал ябуулагдана. Эдэнэй ашаар хуушарһан АН-2 түхэлэй самолёдууд һэлгэгдэхэ юм.
Уласхоорондын хуралдаанда хабаадагшад Ородой Холбоото Улаай Алас Дурна зүг болон Америкын Баруун зүгэй хизаарта элшэ хүсэнэй, Беринговэ болон Арктическа можонуудта уһан дээгүүр ашаа шэрэхэ, аяншалга хүгжөөхэ, албанай харилсаа байгуулха, болбосоролой, эрдэмэй болон олонитын һалбаринуудта харилсаха талаар суг ажал ябуулга үргэдхэхэ талар зүбшэн хэлсэбэ.
Буряад Уласай Засагай газарай хэблэлэй албанай гэрэл зураг
