740
Июль һарын тэн багта Үбэр Байгалай хизаарай хүтэлбэрилэгшэд Буряад Уласай Засагай газарта үхибүүдые зунай лагерьнуудта амаруулха талаар туһа хүргыт гэжэ хандаһан байна. Буряад Уласай Толгойлогшо Аоексей Цыденов спортын болон ниигэмэй хамгаалалгын яамануудта хүршэ можын үхибүүдые угтан абажа, зунай лагерь эмхидхэхэ тухай даалгаа һэн. Тиигэжэ мүнөөдэр, августын 14-дэ, Олимпиин халаанай уласай «Энхалук» һургуулида амархаяа хүршэ можоһоо150 һурагшад ерэбэ. Тэдэнэр Кабанск аймагай Сэлэнгэ станцида буужа, «Энхалук» һургуулида хүрэбэ.
Үхибүүдэй амарха үедэ «Би спортдо дуратайб» гэһэн программа табигдаа. Эдиршүүл бэеэ һорижо, ГТО тушаажа туршаха юм.
Үбэр Байгалай хизаарта удаан сагта аадар бороо орожо, июлиин 7-ной үдэшэһөө үер болоһон байна гэжэ һануулнабди. Тиихэдэ Шэтэ хото болон хизаарай 7 һуурин уһанда абтажа, харгы, хүүргэнүүдгүй болоо. 12 мянганһаа дээшэ хүнүүд үерһөө хохидоо гэжэ тэмдэглэлтэй.
Буряад Уласай Засагай газарай хэблэлэй албанай гэрэ зураг
