834
Үсэгэлдэр үнгэргэгдэһэн Буряад Уласай Арадай Хуралай зургаадахи зарлалай түрүүшын сессидэ хороонуудай хүтэлбэрилэгшэд болон тэдэнэй орлогшонор һунгагдаа. Тиихэдэ Ородой Холбоото Уласай Федерациин Зүблэлдэ Буряад Уласай Арадай Хуралай түлөөлэгшын тушаалда Александр Варфоломеевые һунгамалнууд дэмжэбэ.
Буряад Уласай Арадай Хуралай Бюджедэй, налогуудай болон сан жасын талаар хорооной хүтэлбэрилэгшын орлогшын тушаалда Галан Гунзынов, гүрэнэй байгуулалтын, нютагай өөһэдын хүтэлбэриин, хуули ёһоной болон гүрэнэй албанай асуудалнуудай талаар хорооной хүтэлбэрилэгшын орлогшын тушаалда Лариса Крутиян һунгагдаба. Буряад Уласай Арадай Хуралай ниигэмэй бодолгын талаар хорооной хүтэлбэрилэгшын орлогшын тушаалда Светлана Будаева дахинаа томилогдобо. Буряад Уласай Арадай Хуралай можонууд хоорондын холбоонуудай, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хорооной хүтэлбэрилэгшын орлогшын тушаал Сергей Дорош эзэлбэ. Буряад Уласай Арадай Хуралай газарай асуудалнуудай, аграрна бодолгын болон эд хэрэглэлгын дэлгүүрэй талаар хорооной хүтэлбэрилэгшын орлогшоор Сергей Пашинский һунгагдаа.
Буряад Уласай Арадай Хуралай гүрэнэй байгуулалтын хороониие – Виктор Малышенко, бюджедэй, налогуудай болон сан жасын талаар хороониие – Зоригто Цыбикмитов, можонууд хоорондын холбоонуудай, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хороониие – Валерий Доржиев, эдэй засагай бодолгын талаар хороониие – Анатолий Кушнарёв, газарай асуудалнуудай, аграрна бодолгын болон эд хэрэглэлгын дэлгүүрэй талаар хороониие – Пётр Носков, ниигэмэй бодолгын талаар хороониие Игорь Марковец хүтэлбэрилбэ гэжэ һануулнабди.
Ородой Холбоото Уласай Федерациин Зүблэлдэ Буряад Уласай Арадай Хурал түлөөлхэ талаар Александр Варфоломеев дэбжүүлэгдээ. Олон жэлэй туршада аша үрэтэйгөөр ажалаа ябуулдагыень мэдэжэ, һунгамалнууд Александр Варфоломеевэй түлөө дуугаа үгэһэн байна. Найдажа, этигэжэ һунгаһанайнь түлөө баяраа мэдүүлжэ, Буряад уласай хүгжэлтын түлөө аша үрэтэйгөөр ажалаа ябуулхаб гэжэ сенатор үгэеэ үгэбэ.
Буряад Уласай Арадай Хуралай Ниигэмэй бодолгын талаар хорооной хүтэлбэрилэгшын орлогшын тушаалда Вячеслав Цыбикжапов һунгагдаа. Цыденжап Батуев Арадай Хуралай аппарадай хүтэлбэрилэгшын тушаалда томилогдобо.
Тиихэдэ нюуса һунгалтын дүнгүүдээр, Баир Жамбалов болон Цырен-Даша Доржиев хоёр Буряад Уласай Арадай Хуралай Түрүүлэгшын орлогшын тушаалда томилогдоо.
Анна Огороднигой гэрэл зураг
