Байгша оной сентябриин 29 Д.-Р. Батожабайн нэрэмжэтэ номой санда хүүгэдтэ болон залуушуулда зорюулһан «ЭДИРШYYЛ» гэһэн түбтэй танилсалга үнгэргэгдэхэ. Энэ түсэл хүүгэдэй-эдиршүүлэй уласай номой сан бэлдэбэ.
«ЭДИРШYYЛ» гэһэн түб уншагшадые буряад хэлэ, соёл шудалха талаар һонирхол түрүүлхэ зорилготой. Тиимэһээ аялга хүгжэм, соёл урлаг, ёһо заншалда үндэһэлэн, хэшээлнүүд, нааданууд, лекцинүүд, мастер-классууд, авторнуудтай уулзалганууд үнгэргэгдэхэ.
Буряад Уласай хүүгэдэй-эдиршүүлэй номой сангай «ЭДИРШYYЛ» гэһэн түсэл ниигэмэй-соёлой түсэл, программануудые бэелүүлхэ, буряад хэлэнэй хэрэглэлгэ улам дээшэлүүлхэ талаар уласай грантда хүртэхэ мүрысөөндэ илаһан юм гээд тэмдэглэлтэй.
«ЭДИРШYYЛ» түбэй танилсалгын үедэ уран зурагай «Минии зураг» гэһэн хэшээлнүүд үнгэргэгдэхэ. Тиихэдэ «Дэлхэйн хэлэнүүд» гэһэн интерактивна хэшээлнүүд, «Толи» гэһэн шэрээгэй наадан эмхидхэгдэхэ. Хэмжээ ябуулгануудай үедэ үхибүүд дэлхэйн хэлэнүүд тухай эрдэм мэдэсэтэй боложо, буряад хэлэндэ һураха аргатай юм.