705
Баргажан аймагай Яаригта һууриниие Ородой Холбоото Уласай үзэсхэлэн сомонуудай тобьёгто оруулхань. Энэ хүндэтэй эрхэ зэргэнь сентябриин 28-да олгогдохо юм.
“Үзэсхэлэн сомон” эрхэ зэргэ сэгнэлгын арбан хэмжүүрээр олгогдодог. Тусхай комисси зорюута сомон ошожо, байгаалиин болон соёлой уута баялигай хүшөөнүүдыень, уран гоёор баригдаһан гэрнүүдыень гү, али байшангуудыень болон бусад гоё һайхан газарнуудыень хаража сэгнэдэг.
Яаригта һууринда хүндэтэ эрхэ зэргыень олгохоёо гүрэнэймнай үзэсхэлэн сомонуудай эблэлэй юрэнхылэгшэ Александр Мерзлов, мүн тиихэдэ дэлхэйн үзэсхэлэн сомонуудай эблэлэй юрэнхылэгшэ Жак Рагон гэгшэд ерэхэ.
Яаригта һуурин шадар 2005 ондо Янжама бурханай дүрэ олдоһон гэжэ булта мэдэнэбди. Гадна тэндэ Баргажанай дасан оршодог.
Даб дээрээ Буряадаймнай хоёр һуурин тус тобьёгто оруулагданхай гэжэ һануулая: 2016 ондо – Тарбагатай аймагай Десятниково, харин мүнөө жэл Ехэ Хунила һуурин.
Борис Балдановай гэрэл зураг
