893
Октябриин 15-да үнгэргэгдэһэн түсэблэлгын суглаанда Буряад Уласай Толгойлогшо Алексей Цыденов Улаан-Үдэ хотын хүгжэлтын нэгэдэмэл «Ниислэл хото» гэһэн программа байгуулха тухай даалгабари үгэһэн. Мүнөө дээрэ энэ программа 5 жэлдэ түсэблэгдэхэ.
- Буряад Уласай Засагай газар Улаан-Үдэ хотын захиргаантай хамта «Ниислэл хото» гэһэн программа бэлдэхыетнай уряалнаб. Улаан-Үдэ хотын хүгжэлтын табан жэлэй программа хамта байгуулая. Тиихэдэ энэ программада коммунальна һужаануудһаа эхилжэ, соёлой эмхинүүд хүрэтэр бүгэдэ оруулагдаха. Энэ программа уласай хэмжээндэ абтаха ёһотой,- гэжэ Алексей Цыденов хэлэбэ.
Уласай хүтэлбэрилэгшын тэмдэглэһээр, хотын хүгжэлтын программада ниигэмэй хангалгын байгууламжын объектнүүдэй барилга оруулагдаха ёһотой. Тэрэ тоодо, хүүгэдэй сэсэрлигүүд, һургуулинуудай, харгынуудай барилга болон хото болбосон түхэлтэй болгогдохо юм.
Анна Огороднигой гэрэл зураг
