Буряад Уласай Толгойлогшын болон Засагай газарай захиргаанай «Аюулгүй хото» болон «Буряад Улас гэһэн нютагай засагай байгууламжын электронно паспорт» гэһэн түсэлнүүд уласай информатизациин «ПРОФ-IT.2018» гэһэн бүхыроссиин мүрысөөндэ шангай һууринуудые эзэлбэ.
Тус мүрысөөн Калининградай можын Светлогорск хотодо зургаадахияа үнгэргэгдэбэ. Буряад Уласай Толгойлогшын болон Засагай газарай захиргаанай «Аюулгүй хото» гэһэн түсэл түгэсхэлэй шатада оруулагдажа, гурбадахи һуурида хүртөө. «Хотын аюулгүй оршон (Технологии «Умного города»)» гэһэн түсэл тгэсхэлэй шатада 2-дохи һуури эзэлээ.
Ородой Холбоото Уласай можо нютагуудта мэдээсэлэй түсэлнүүдэй шанар дээшэлүүлхэ зорилготой «ПРОФ-IT» мүрысөөн жэл бүри эмхидхэгдэнэ. Федеральна, можо нютагуудай болон нютагай засагай байгууламжануудай мэргэжэлтэ шүүбэришэд бүхэроссиин мүрысөөндэ уулзадаг, зүбшэдэг, ажалаа суг ябуулдаг заншалтай болонхой. Байгша оной «ПРОФ-IT.2018» гэһэн мүрысөө Ородой Холбоото Уласай Юрэнхылэгшын Захиргаанай дэмжэлгээр электронно гүрэнэй мэргэжэлтэ шүүбэришэдэй түб эмхидхэһэн байна.
Буряад Уласай Засагай газарай хэблэлэй албанай гэрэл зураг