729
Буряад Уласай Толгойлогшын болон Засагай газарай захиргаанай хүтэлбэрилэгшэ Баир Цыренов аймагуудай хүтэлбэрилэгшын тушаалда анха түрүүшынхиеэ һунгагдаһан дарганарта, һунгамалнуудай зүблэлэй түрүүлэгшэнэртэ, засаг зургаанай хүдэлмэрилэгшэдтэ һуралсал гараһан тухай үнэмшэлгэнүүдые барюулаа.
Гүрэнэй болон нютагай засагай байгууламжын хүтэлбэриин системэ, муниципальна хүтэлбэриин байгуулга, гүрэнэй засаг зургаанай болон нютагай өөһэдын хүтэлбэриин бүрин эрхэ тухай, ажаһуугшадай хандалгануудтай ажал болон бусад асуудалнууд һуралсалай программада оруулагдаа.
“Нютагай засагай байгууламжын тушаалда анха түрүүшынхиеэ һунгагдаһан хүнүүд олон зүрилдөөтэ асуудалнуудтай ушардаг. Манай һуралсалай зорилго хадаа ябуулха ажалтайнь танилсуулга болоно. Саашадаашье иимэ семинарнуудые үргэлжэлүүлхэбди” , - гэжэ Баир Цыренов хэлэбэ.
Буряад Уласай яамануудай мэргэжэлтэд нютагай засагай байгууламжануудай хүтэлбэрилэгшэдтэ һуралсал үнгэргэбэ. Тиихэдэ Загарай, Ивалга, Зэдэ болон Тарбагатай аймагуудта гаража, юрэнхыдөө ажалтайнь танилсуулаа.
2018 оной сентябриин 9-дэ Буряад Уласай 65 һомондо һунгалта үнгэрөө, 85 һомондо мүрысөөнэй дүнгүүдээр хүтэлбэрилэгшэд томилогдоо гэжэ һануулнабди. Һомонуудай хүтэлбэрилэгшын тушаалда анха түрүүшынхиеэ 71 хүн һунгагдаа.
