859
Мүнөөдэр, октябриин 31-дэ, Буряад Уласай Арадай Хуралда нюуса һунгалтаар Баяр Кимович Ширапов «Бурятия», «Буряад Үнэн» сонинуудай ахалагша редактораар томилогдобо. 62 һунгамал Баир Шираповые дэмжэбэ. Нюуса һунгалтын дүнгүүдээр, Баяр Шираповые “Бурятия”, “Буряад Үнэн” сонинуудай халагша редактораар томилхо тухай зүбшөөл Буряад Уласай Толгойлогшодо һунганамалнууд үгэбэ.
Буряад Уласай Толгойлогшын болон Засагай газарай захиргаанай хүтэлбэрилэгшэ Баир Цыренов Баяр Ширапов тухай хэлэхэдээ, тэрэ олон жэлэй дүй дүршэлтэй, харюусалгатай, шиидхэбэринүүдые абажа шадаха гэжэ тэмдэглэбэ.
Буряад Уласай Арадай Хуралай Можонууд хоорондын холбоонуудай, үндэһэ яһатанай асуудалнуудай, залуушуулай бодолгын, олониитын болон шажан мүргэлэй нэгэдэлнүүдэй талаар хорооной түрүүлэгшын орлогшо Сергей Дорошой хэлэһээр, тушаалда дэбжүүлэгдэһэн Баяр Шираповые парламентын хороонуудта болон эрхын талаар албанда дэмжэһэн байна.
Буряад Уласай Арадай Хуралай Түрүүлэгшэ Владимир Павлов, Баяр Шираповые амаршалжа, ажалдань амжалта хүсөөд, һунгамалнуудай этигэл, найдал дүүрэн бэелүүлхэт гэжэ хэлэбэ.
Баяр Кимович Ширапов Хэжэнгэ аймагай Хэжэнгэ нютагта 1975 оной январиин 12-то түрэһэн намтартай. Баяр Ширапов Томскын гүрэнэй ехэ һургуулиин философиин тэнхимдэ һураһан. 1998 ондо Буряадай гүрэнэй ехэ һургуулиин буряад хэлэ бэшэгэй факультет тэрэ дүүргээ. Тиихэдэ Ородой Холбоото Уласай эрдэмэй академиин Сибириин таһагай Буряадай эрдэмэй түбэй монгол шудалал, буддологи болон тибетологиин институт дүүргэһэн . Хэжэнгын лицей-интернадта 1998-2005 онуудта буряад хэлэнэй багшаар хүдэлөө. 2001 онһоо хойшо хүмүүжүүлгын талаар орлогшоор томилогдоо. 2005–2009 онуудта “Долина Кижинги”, “Хэжэнгэ” сонинуудай редакци хүдэлбэрилөө. 2009–2013 онуудта Баяр Ширапов Хэжэнгэ аймагай ниигэмэй бодолгын талаар хорооной түрүүлэгшын орлогшо, аймагай болбосоролой таһагай даргаар хүдэлһэн юм. 2013-2015 онуудта Буряад Уласай болбосоролой болон эрдэм ухаанай яаманда хүдэлжэ, 2015 онһоо хойшо 29-дэхи буряад гимназида захиралаар ажаллаа.
“Буряад үнэн” Хэблэлэй байшанай захиралаар хүдэлжэ байһан Баяр Балданов байгша оной сентябриин 19-дэ өөрын дурааар тушаалаа сүлөөлһэн байна. Сентябриин 20-до Баяр Ширапов захиралай уялга саг зуура дүүргэгшээр томилогдоо гэжэ һануулнабди.
Анна Огороднигой гэрэл зураг
