789
Буряад Уласай Арадай Хуралай ээлжээтэ сессидэ һунгамалнууд «Буряад Уласай болбосорол тухай» гэһэн хуулиин 27-дохи статьяда хубилалтануудые оруулба. Хубилалтануудай ёһоор «гүрэнэй ниитэ нэгэ шалгалта» гэһэн үгэнүүдые «юрэнхы болбосоролой үндэһэн болон дунда һургуулинуудай болбосоролой программануудаар гүрэнэй дүн гаргалгын шалгалта» гэһэн үгэнүүдээр һэлгэгдэбэ.
Һунгамал Евгения Лудуповагай тайлбарилһанай ёһоор, багшанарай нэмэлтэ мүнгэ абадаг ажалай бүридэл үргэдхэгдэхэ. Энэ бүридэлдэ гүрэнэй ниитэ нэгэ шалгалта орохоһоо гадна, 9-дэхи ангинуудай һурагшадай тушаадаг шалгалта (ОГЭ) болон зарим эрхэтэдэй тушаадаг шалгалта (ГВЭ).
«Буряад Уласай болбосорол тухай» гэһэн хуулида оруулагдаһан хубилалтануудай ашаар, гүрэнэй шалгалтануудай тушаалгын бүхы янзануудта хабаададаг болбосоролой эмхинүүдэй хүдэлмэрилэгшэдтэ мүнгэн түлэгдэхэ.
Энэ хуули 2019 оной январиин 1-һээ хүсэндөө орохо.
