796
«Хүдөө нютагуудай тогтууритай хүгжэлтэ» гэһэн программын хэмжээндэ Буряад уласай хүдөө нютагуудта ажаһуугшадай гэр байрын байдал һайжаруулгада 8,82 сая түхэриг һомологдоо. Тэрэ тоодо залуу гэр бүлэнүүд болон залуу мэргэжэлтэд оролсоно.
Буряад Уласай Баргажан, Зэдэ, Захаамин, Хэжэнгэ, Хурамхаан, Аха болон Байгал шадарай аймагуудай12 бүлэ гэр худалдан абаха гү, али бариха хэрэгтэ ниигэмэй тэдхэмжэдэ хүртэһэн байна.
2018 оной дүүрэтэр 768 дүрбэлжэн метр талмайтай гэр байранууд ашаглалгада тушаагдахаар түсэблэгдэнэ. Хүдөө нютагуудай тогтууритай хүгжэлтэ» гэһэн программын хэмжээндэ һомологдоһон 8,82 сая түхэриг федеральна, уласай болон нютагай засагай байгууламжануудай бюджедүүдһээ гаргашалагдаа. Тиихэдэ федеральна бюджетһээ - 7,11 сая түхэриг, уласай бюджетһээ - 0,45 сая түхэриг, нютагай засагай байгууламжануудай бюджетһээ - 1,26 сая түхэриг һомологдоо.
