753
Буряад уласай хүдөө ажахын болон эдеэ хоолой яаманай болон уласай экспортын түбэй дэмжэлгээр Буряадай олзын хэрэг эрхилэгшэд үнгэрһэн долоон хоногто Монголдо эмхидхэгдэһэн уласхоорондын үзэсхэлэндэ хабаадаба. Тиихэдэ хизаарламал харюусалгатай «Агрохолдинг «Молоко Бурятии» Ородой Холбоото Уласай эд бараанай «ЭКСПО «Россида хэгдээ» гэһэн уласхоорондын үзэсхэлэндэ хабаадаа. «Амта» бүлгэм болон «Санса» компани «Ворота в Азию» гэһэн уласхоорондын үзэсхэлэндэ амтан эдеэгээ дэлгээ.
Буряад Уласай түлөөлэгшэдэй дэлгэһэн һүнэй болон шэхэртэй эдеэ хоол үзэсхэлэндэ хабаадагшад болон айлшад үндэрөөр сэгнэһэн байна. Буряадай олзын хэрэг эрхилэгшэдэй үзэсхэлэн Монголой гүрэнэй болон нютагай засагай байгууламжын, үйлэдбэринүүдэй, худалдаа-найманай һужаагай, олондо мэдээсэл тараадаг хэрэгсэлнүүдэй түлөөлэгшэдэй, бага болон дунда олзын хэрэг эрхилэгшэдэй һонирхол ехэ татаа гээд тэмдэглэлтэй.
Үзэсхэлэнэй үедэ бизнес-уулзалганууд, һалбаринуудай семинарнууд, дүхэриг шэрээнүүд болон бусад хэмжээ ябуулганууд эмхидхэгдээ.
Буряад Уласай хүдөө ажахын болон эдеэ хоолой яаманай мэдээсэлэй албанай гэрэл зураг
