596
Жэл бүри нютагай засагай байгууламжануудай ажал 8 шэглэлээр сэгнэгдэдэг юм. Нэрлэбэл, бага болон дунда олзын хэрэг эрхилэлэгшэдэй тоо, мүнгэ хүрэнгэ һомололго, аймагай бюджедтэ налог татабариин болон налогой бэшэ олзын хэмжээн, хүүгэдэй сэсэрлигүүдтэ ээлжээндэ байһан үхибүүдэй тоо, спортоор бэеэ һоридог ажаһуугшадай тоо, жэлэй туршада ашаглалгада тушаагдаһан гэр байра, ажаһуугшадай тоо, нютагай өөһэдын хүтэлбэриин ажал ажаһуугшад хэр зэргэ сэгнэнэб гэһэн хэмжээнүүдээр ажалаа аша үрэтэйгөөр ябуулдаг аймагууд элирүүлэгдэнэ.
Тус хэмжээнүүдээр Аха аймаг түрүүлбэ. Үнгэрһэн жэлдэ эдэнэр 4-дэхи һуури эзэлһэн байна. Хоёрдохи һуурияа Бабанта аймаг эзэлһээр үлэбэ. 2016 оной дүнгүүдээр түрүү һуури эзэлһэн Хори аймаг 3-дахи һуури эзэлбэ. Хойто-Байгалай аймаг дүнгүүдээ һайжаруулжа, 4-дэхи һуурида гараба. Үнгэрһэн жэлдэ тэдэнэр 14-дэхи ябаһан байна. Эрхим табанай тоодо Тарбагатай аймаг оробо.
- 2017 оной дүнгүүдээр 5 аймагууд ажалаа аша үрэтэйгөөр ябуулаа. Эдэ хадаа Аха, Хойто-Байгалай, Кабанск, Хурамхаан, Бэшүүр аймагууд болоно. 12 аймагууд урда жэлнүүдтэ орходоо, доошоо ороһон байна. Табан аймаг урда жэлдэ эзэлһэн һуурида үлөө, - гэжэ Буряад Уласай эдэй засагай сайд Александр Бардалеев тэмдэглэбэ.
Буряад Уласай эдэй засагай яаманай мэдээсэлэй албанай гэрэл зураг
