771
2018 оной октябриин 26-29-дэ Санкт-Петербург хотодо мэргэжэлээй болбосоролой уласхоорондын VII хурал үнгэргэгдөө. Хуралай хэмжээндэ «Ородой Холбоото Улас дотор дунда мэргэжжэлэй болбосоролой хүгжэлтын асуудалнууд болон холын хараата түсэбүүд» гэһэн Бүхэроссиин XIV хуралдаан эмхидхэгдээ.
Ородой Холбоото Уласай дунда мэргэжэлтэй хүдэлмэрилэгшэдые бэлдэдэг болбосоролой эрхим эмхинүүдые Петербургын уласхоорондын хуралдаанай эмхидхэлэй хороон тэмдэглэһэн байна. Анагааха ухаанай, үйлэдбэриин, тухническэ, хүтэлбэриин, индустриальна, нефтехимическэ һалбаринуудай мэргэжэлтэдые бэлдэдэг эмхинүүд тэмдэглэгдээ.
«Дунда мэргэжэлтэй болбосоролой эрхим 100 эмхи» мүрысөөнэй «Соёлой, олон зоной хабаадалгатай ажал эмхидхэдэг эрхим колледж - 2018» гэһэн номинацида лауреадай дипломдо Улаан-Үдын П.И. Чайковскиин нэрэмжэтэ уралигай колледж хүртэбэ. Улаан- Үдын П.И. Чайковскиин нэрэмжэтэ уралигай колледжын захирал Баир Турбяновай ажал үндэрөөр сэгнэгдэжэ, «Эрхим захирал – 2018» гэһэн хүндэлэлэй тэмдэг барюулагдаа.
