​​Ажалай Геройнуудта – аллей

Ноябриин 28-да Бар­гажанай Баянгол һууринда Карл Марксын нэрэм­жэтэ колхозой алдар суу гэршэлһэн аллей нээгдэ­бэ. Аяар табан Ажалай Ге­ройнууд, гадна олон тоо­то орден, медальнуудаар шагнагдаһан аяар 29 кава­лер тус колхоздо тодорон гараһан.

Колхозой түрүүлэгшэ Радна Сагалаевич Бубеев эгээл түрүүн Социалис Ажа­лай Герой болоһон. 1959 ондо Гомбо Боболоевич Цыденов баһал иимэ үндэр нэрэдэ хүртэһэн. 1966 ондо Карл Марксын колхозой хонишон Шалсама Ламажа­повна Цыремпилова баһал геройнуудай тоодо оруу­лагдаа. Үшөө арбан жэлэй үнгэрхэдэ, 1976 ондо Ольга Энхеевна Сангадиева Социалис Ажалай Герой боложо тодороо һэн. 1981 ондо энэл колхозой эрхим хонишон Да­шанима Буодиевич Сундуев баһал гүрэн түрын ажалша бүхэриг зоной эгээл дээдын шанда хүртэһэн байна.

“Буряад үнэн” мэдээсэлэй албан