​Буряад Уласай Загарай аймагта “Эрхим бууса” гэһэн харалган үнгэрбэ

Загарай аймагай ниигэмэй байдалые хамгаалгын таһаг “Эрхим бууса” гэһэн харалга соносхоһон байна.

Эндэ ниигэмэй талаар ябуулагдажа байһан түсэлдэ хабаадагшад мүрысөө. Олон хүүгэдтэй Козулинай гэр бүлэ гэрэйнгээ газаа хайшан гэжэ мал ажалланаб, огородой эдеэ ургуулнаб, ажаһуудалаа һайжаруулнаб гэжэ гэрэл зурагуудаа харуулба. Роза Жамсаранова энэ түсэлэй хэмжээндэ 2011 ондо үнеэ абажа үсхэбэрилһэнөө гэршэлбэ. Мүнөөдэр энэ бүлэ малай үмсын ажахытай, мяхаар ба һүнэй эдеэгээр гэр бүлэеэ гүйсэд ханганги. Тиигэжэ харалганай дүнгөөр, Загарай нютагай Ксения Жерлова, Хуушан Бэрээн тосхоной Виктория Козулина, Асагадай Екатерина Литвиенко болон Роза Жамсаранова гэгшэд шалгаржа, шангуудта хүртөө.