​Буряад орондо "Бэлигэй толиин" шэнэ оршуулга дүрбэдэхиеэ тайлбарилагдана

Буряад арадай эрхим бэлигтэй түлөөлэгшэ, дооромбо лама Эрдэни Хайбзан Галшиевай суглуулан найруулһан һургаалнуудай гайхамшагта "Бэлигэй толи" согсолбориин шэнэ оршуулга мүнөөдэр дүрбэдэхиеэ тайлбарилагдажа байнхай. Энэ хэмжээ ябуулга Буддын шажанай Дамба-Даржаа Заяевай нэрэмжэтэ Ехэ һургуулида үнгэргэгдэнэ.

Ородой Холбоото Уласай Буддын шажантанай Заншалта Сангхын XXIV дүгээр Бандида Хамба лама Дамба Аюшеевэй үүсхэлээр агууехэ энэ зохёол шэнээр оршуулагдаад, олоной хабаадалгатайгаар нёдондо жэлһээ хойшо зүбшэн хэлсэгдэжэ байнхай.

Тус хэмжээ ябуулгада ганса эрэшүүл хабаадалсадаг юм. Энэ удаа Буряад ороной аймагуудһаа, ниислэлдэ ажаһуудаг сэхээтэд, эрдэмтэд, засаг баригшад, сэтгүүлшэд болон арадай ажахын бусад һалбарида ажалладаг хүнүүд Эрдэни Хайбзан Галшиевай "Бэлигэй толиин" һургаал бүхэниие тайлбарилна бшуу.

Ажабайдалай али олон ушарнуудта зохисотой сэсэн мэргэн энэ һургаалнууд ямаршье сагта тааруу юм. 

Нютагайнгаа суута ламын согсолһон "Бэлигэй толиин" бүхы монголшуудта ойлгосотой байхын тула Хамба лама Дамба Аюшеев болон Буддын шажанай Ехэ һургуулиин багшанар энэ сударай шэнэ оршуулга буряад хэлэнэй сэлэнгэ нютаг аялгаар бүтээгээ юм.

Авторай гэрэл зурагууд