Главная / Новости /Культура / Буряад уласай уран һайханай найман бүлгэм хүндэтэ нэрэ зэргэнүүдтэ хүртэбэ

Буряад уласай уран һайханай найман бүлгэм хүндэтэ нэрэ зэргэнүүдтэ хүртэбэ

10-01-2019

Буряад Уласта арадай уран һайханай бүлгэмүүдэй ажал үндэрөөр сэгнэжэ, «Арадай уран һайханай бүлгэм», «Уран һайханай жэшээтэ бүлгэм» гэһэн нэрэ зэргэнүүд олгогдодог. Түрэл нютагайнгаа соёлой һалбариин хүгжэлтэдэ горитой хубитаяа оруулһан зохёохы бүлгэмүүдэй ажал тэмдэглэгдэдэг юм.

Бүхыдөө Буряадта «Арадай уран һайханай бүлгэм», «Уран һайханай жэшээтэ бүлгэм» гэһэн нэрэ зэргэтэй 246 бүлгэм ажалаа ябуулдаг.

Тиихэдэ «Арадай уран һайханай бүлгэм» гэһэн нэрэ зэргэдэ Бэшүүр аймагай «Жаргал» ансамбль болон Түнхэн аймагай «Сагаан турлааг» этно-рок бүлгэм хүртэбэ.

«Уран һайханай жэшээтэ бүлгэм» гэһэн нэрэ зэргэ Хори аймагай хүүгэдэй «Матрешка», Аха аймагай хүүгэдэй хатарай «Эдельвейс», Мухар-Шэбэр аймагай хүүгэдэй хатарай «Экспромт», Захаамин аймагай хүүгэдэй хатарай «Алтан сэсэг», Улаан-Үдэ хотын хүүгэдэй урлагай дуунай «Экспромт» ансамбльнуудта олгогдоо.

Буряад Уласай соёлой яаманай мэдээсэлэй албанай гэрэл зураг


Теги: Буряад Улас хүүгэдэй хатарай ансамбль нэрэ зэргэ



Наши издания