1189
Ородой Холбоото Уласай худалдаа-үйлэдбэриин танхим болон Ородой гүрэнэй аяншалгын ехэ һургуули «Хүүгэдэй аяншалга хүгжөөлгын можо нютагуудай эрхим ажал» гэһэн Бүхэроссиин мүрысөө үнгэргэһэн байна.
Жюриин гэшүүд Ород гүрэнэй 36 можо нютагуудһаа ороһон 307 эрхим ажал шэлэһэн байна. Тиигэжэ Буряад Уласай 13 түсэл «Хүүгэдэй аяншалга хүгжөөлгын можо нютагуудай эрхим ажал» гэһэн Бүхэроссиин мүрысөөнэй лауреат болоо.
«Хүүгэдэй лагериин эрхим программа» гэһэн номинацида хүүгэдэй болон эдиргшүүлэй аяншалгын болон хизаар ороноо шэнжэлэлгын түбэй «Багульник» лагериин программа эрхим гэжэ тодороо. «Сэрэгэй-түүхын аяншалгын можо нютагуудай эрхим программа» номинацида «Двенадцать месяцев» бүлгэмэй «Восточные рубежи России» программа эрхимлээ. Удинскын дунда һургуулиин «Экскурсия по Удинской долине» гэһэн программа «Хүүгэдэй аяншалгын замуудай эрхим практика» номинацида түрүүлһэн байна. «Хүдөө нютагуудта хүүгэдэй аяншалгын һалбариин эрхим практика» номинацида Сужагай һургуулиин «У истоков империи Гуннов» болон хүүгэдэй нэмэлтэ һуралсалай болон эвенк арадуудай гар урлалай түбэй «Пещеры… Природа... Люди» гэһэн болбосоролой түсэлнүүд эрхим гэжэ тоологдобо.
«Бага хотонуудта хүүгэдэй аяншалгын эрхим программа» номинацида Хяагтын нэмэлтэ һуралсалай түбэй «Кяхта: туристские тропы Песчаной Венеции» гэһэн программа эрхимлээ. «Хүүгэдэй аяншалгада зорюулагдаһан эрдэмэй эрхим ажал» номинацида уласай хүүгэдэй-эдиршүүлэй аяншалгын, тамирай түбэй «Сборник материалов в помощь педагогам дополнительного образования в области спортивного ориентирования, туризма и краеведения» гэһэн ажал түрүүлбэ. «Олондо мэдээсэл тараадаг хэрэгсэлнүүдтэ хүүгэдэй аяншалгада зорюулагдаһан эрхим ажал» гэһэн номинацида «Весенне-летние путешествия кружка «Долган» гэһэн толилолго эрхим гэжэ тоологдоо.
«Хүүгэдэй аяншалгын һалбарида эрхим хэмжээ ябуулга» номинацида «Жемчужины Баргузинской долины» гэһэн ажал эрхим болоо. «Хүүгэдэй аяншалгын һалбарида олоной хабаадалгатай эрхим хэмжээ ябуулга» гэһэн номинацида хүүгэдэй- эдиршүүлэй аяншалгын хотын түбэй «Интеграция на Великом чайном пути» гээһн программа түрүү һуури эзэлээ. «Мармелад» бүлгэмэй «Мармелад Кэмп» гэһэн Байгалай эрьедэхи майхануудай лагерь, Доодо-Торейн нэмэлтэ һуралсалай хүүгэдэй түбэй «Желтуринская тропа» (ябаган зам), Горячинскын дунда һургуулиин «Ринпоче Багша – жемчужина буддизма» гэһэн программанууд «Хүүгэдэй аяншалгын эрхим турпродукт» гэһэн номинацида амжалта туйлаа.
«Хүүгэдэй аяншалга хүгжөөлгын можо нютагуудай эрхим ажал» гэһэн Бүхэроссиин мүрысөөнэй илагшадай тоодо Буряад Уласай 2 түсэл ороһон байна.
Нэрлэбэл, «Һургуулиһаа гадуур аяншалга хүгжөөлгын эрхим эмхидхэлэй ажал» гэһэн номинацида Байгал шадарай аймагай Татуровын дунда һургуулиин Туристический клуб «ТЭМП» болон «Хүүгэдэй нүүдэл аяншалгын эрхим программа» гэһэн номинацида Улаан-Үдэ хотын 19-дэхи һургуулиин «Создание модели международного туристского маршрута «Селенга - Байкал» гэһэн түсэлнүүд болоно.
