​Гэрэл зурагуудаа эльгээгыт!

«Золгоё!» гэһэн уряа доро гэрэл зурагуудай урилдаа соносхонобди.

Февралиин 5-6-да хоёрхон үдэрэй туршада энээхэн урилдаан үргэлжэлхэ юм.

Номинацинууд:

«Үнэр баян гэр бүлэ» – хүгшэн эжыгээ, абаяа, эхэ эсэгэеэ, ахай эгэшэнэрээ хүндэлэн золгодог гэр бүлэнүүд, гэрэл зурагуудаа эльгээгыт! Февралиин 5-да Улаан-Үдын Соведүүдэй талмайда 11 сагта болохо Золгохо ёһололһоо зурагууд баһал хараалагдаха гэжэ мэдүүлнэбди.

«Минии агта хүлэг» – хүдөөдэ хүлэг морёороо табилуулжа ябаһан гү, али омогорхомоор хүнгэн унаатай улад, танда ханданабди! Буряад хубсаһаа үмдөөд, моритойгоо (автомашинтай) хамта хүхюутэй гэрэл-зураг гү, али селфи хэжэ эльгээгыт!

«Нюдэнэй шэмэг» - гоёлойнгоо хубсаһаа “абдар” сооһоо гаргажа, үндэһэн буряад хубсаһаяа улад зондоо харуулыт даа! Буряад түхэл маяг оруулжа оюулһан мүнөө үеын нэхы, пальто, пуховик үмдэһэн зон, танай зурагууд баһал урилдаанда эльгээжэ болохо.

«Үхибүүдэй юртэмсэ» - урин хөөрхэн үхибүүдтэ буряад хубсаһа үмдэхүүлэн, золгохо ёһололдо хабаадуулхада зүйтэй. Тэдэ зурагуудыетнай баһал хараалхабди.

Эдэ номинацинуудта түрүүлһэн зон “Буряад үнэн” Хэблэлэй байшанай, “Байгал” театрай, Буряад театрай, “Бурятхлебпром” бүлгэмэй үнэтэ бэлэгүүдтэ хүртэхэ.

Урилдаанда хүн болгон хабаадаха эрхэтэй.

Гэрэл-зурагуудаа [email protected] гэһэн хаягаар нэгэ гэбэл, үгы гэбэл Facebook, vkontakte.ru ниитын сүлжээндэ #Золгоё гээд бэшээд эльгээхыетнай уряалнабди!

Февралиин 7-һоо 11 болотор олоной һанал хуряалга (голосовани) www. burunen.ru сайт дээрэ болохо. Эгээл эрхим гэрэл зурагуудаа болон түрүүлэн гарагшадай нэрэ февралиин 13-ай «Буряад үнэн» сониндоо толилхобди.